Master's Talk｜馮盈盈招窮男友搣甩「拜金」污名 事業型男埋身:淨係有錢嘅嚟搵我

由邵氏兄弟製作的《Master's Talk師父有請》播出第十集，主持人林盛斌（Bob）和麥玲玲邀請到「話題人物」馮盈盈、方力申和陳自瑤擔任嘉賓。提到盈盈入行至今是非不斷，自2019年年底同醫生男友「寶寶」分手後，感情生活就更加成為大家嘅焦點。去年5月，傳媒影到盈盈同賭王四房公子何猷亨以及江嘉敏等人開豪華Boat Party，之後又傳出盈盈約會唔同界別嘅才俊，令到佢被冠上「拜金女」嘅污名。

{{hket:inline-image name="_DSC3447.JPG"}}{{/hket:inline-image}}

盈盈指自己對「拜金女」之名不明所以，但似乎冇畀呢啲新聞影響心情，她說︰「我都唔明白點解咁多嘢，一個月唔更新社交平台、唔出街，地球繼續轉、繼續有新聞……我每日會搜尋自己個名十次，擔心又有新聞出街，好似開六合彩咁睇吓今日開乜嘢話題先！新聞咁多，同我日常生活係分開兩件事。冇理由新聞多唔食飯，我會餓死！同朋友正常社交啫，我都唔明，人食飯我食飯，間餐廳咁大，硬係有啲咁八卦嘅人亂偷拍，做報料人有錢收，最嬲係我冇份收！佢哋收萬幾蚊分分鐘貴過我一集騷錢。」

（點擊放大睇圖片）

盈盈稱過往拍拖期間竟然跟已婚的張頴康鬧緋聞，當時的另一半亦都明白，純粹得啖笑。而盈盈分手後每次與她食飯的男性都被起底，而對方均是有錢人，她說：「咁淨係啲有錢嘅想嚟搵我，我都冇計呀！」全場即時拍手，Bob大讚盈盈夠霸氣，她續表示：「認真，想認識我嘅朋友多數比我年紀大少少，同埋事業上有少少成就，同年嘅反而冇乜，可能覺得我好難接觸靠近？我已經公開設咗規矩，月入8000蚊以下先好嚟搵我，我唔想再俾人話我釣金龜，不過而家搵8000蚊樓下好少，可能難搵過有錢人，希望有人可以介紹吓。」

小方笑盈盈下一次新聞的標題可能是「馮盈盈轉死性屋邨食茶餐廳」，而Bob亦叫盈盈不要「口響響」，盈盈繼續霸氣說：「怕乜嘢？我請番佢食飯，去返同一間意大利餐廳！（咁上次邊個埋單？又話請教投資又唔埋單？）張單佢（約會對象）埋咗，但啲相冇影到，我都送咗名牌絲巾畀佢做禮物！」