師父有請｜方力申被同齡女「睇唔起」宜娶少妻 鄧麗欣超撇脫從未過問海量緋聞

由邵氏兄弟製作的《Master's Talk師父有請》播出第十集，邀請到「緋聞磁石」馮盈盈、方力申（小方）和陳自瑤（YoYo）擔任嘉賓。

方力申挾「飛魚王子」之名入娛樂圈，靚仔又陽光，自然有不少女性埋身。麥玲玲公開列出小方歷年的緋聞女友，包括鍾欣潼、周勵淇、胡心諾、傅穎、周秀娜、何超蓮等，就連嘉賓之一的YoYo都包括在內。當年兩人因合作拍《大細心》MV而傳出緋聞，不過二人同時舉手發誓稱從沒拍過拖。小方指當時更因為太多緋聞，傳到被廣告商棄用。

{{hket:inline-image name="_DSC3428.JPG"}}{{/hket:inline-image}}

節目中，方力申被重提當年向「美少女廚神」抄牌事件，後來梁漢文代為澄清，其實是「美少女廚神」胡心諾（Rainbow）主動問小方交換電話，小方指自己不會經常與圈中女性交換聯絡，他說：「大家都知我有（與鄧麗欣）拍過10年嘅拖，人人問我對愛情點保鮮，就係雙方遠離各方面引誘。世界有好多引誘，如果交換電話有機會有引誘，咁我咪......」盈盈和YoYo即時尖叫讚小方是絕種好男人，麥玲玲就笑他是古代人，而Bob更擰轉面表示難以接受。小方續指是怕自己難抵誘惑，所以索性「杜絕」誘惑；又指自己建了一道「防禦牆」，亦自然冇女性埋身，更發誓自己於內地工作多年，從來沒遇過女演員敲門。

{{hket:inline-image name="d00bfbbcadebcc5692f0c384f724bf9d.jpg"}}{{/hket:inline-image}}

馮盈盈及麥玲玲都坦言聽聞過小方周圍追女仔的傳聞，但YoYo稱他跟女友拍拖長達十年，花心極有限。由於三位嘉賓都新聞多多，問到另一半的感覺如何，小方直言當初跟鄧麗欣拍拖期間，他跟女生單獨食飯的機會少於5次，就算雙方曾經出現第三者緋聞，他說：「我都信任，略略都會問，問咗冇嘢就冇嘢。不過佢對我係問都唔問，完全唔care，呢方面我係幾欣賞佢。」至於YoYo表示：「你一係信任佢，信任得就唔講呢個話題，你講得就代表唔信任；再加上佢回答你時個方式，就會令你亂諗嘢，有時想免咗呢啲嘢，寧願唔好問。」

（↓點擊放大睇圖片↓）

馮盈盈為甩拜金女之名，開出男友要月入少於$8000的擇偶條件，麥玲玲靈機一觸指「男未婚女未嫁」，叫小方考慮一下追求馮盈盈，因小方命格是要娶個年紀比他細很多的另一半，最少細八年。沒想到小方即時口窒，他說：「我收入多過8000蚊少少，不過疫情之下真係少過8000蚊。一對夫妻關係維繫得好，係要女方欣賞男方，同我同年嘅總係覺得我低能、睇我唔起，細個啲就容易欣賞我多啲！」