淪打卡熱點｜KOL推兒童醫院遊樂場引百人湧入 病童家長心痛︰留一片淨土畀小戰士

新冠肺炎疫情稍為放緩，家長終於可以帶小朋友到戶外遊玩「放電」。近日有親子KOL在社交網站宣傳位於啟德海濱長廊兒童醫院對開的遊樂場，形容該遊樂場設計新穎，又教讀者如何前往及泊車到醫院。惟帖文一出隨即引來遊人湧入，令該處交通嚴重擠塞。有病童家長近日在社交網站發文，呼籲市民避免再前往該處公園遊玩，擔心病童身心受到影響，籲其他家長「留一片淨土畀小戰士」。

一名港媽昨日（11日）向Facebook專頁「生仔要考牌系列」投稿，指早前有網上KOL及各大媒體介紹兒童醫院對開一個新公園開放，形容該處十分好玩，又教大眾如何乘車及泊車到醫院。事主指，自從公園被介紹後，醫院附近多了違泊車輛；加上該處公共交通工具班次疏落，更要應付啟德郵輪碼頭的客人，部分基層家庭要等幾班車才能登車。

事主又提到，不少病童需要定時到醫院覆診，「入得兒童醫院都唔會係普通傷風感冒，係重症、癌病、要做大手術」；外面公園有健康的小童嬉戲，留在病房內的病童卻無法玩耍，形成強烈對比︰

「病童望住出面好多小朋友喺度嘻嘻哈哈、追追逐逐、大聲笑，反觀自己周圍都冇得去，或者受緊病魔的長期折磨，可想而知心情是如何。」

事主又慨嘆，難得醫院附近有一個公園，惟多了外人到公園玩耍，令不少病童覆診、治療或檢查後，因害怕受到感染，而不敢到公園玩耍。事主表示，早前與小朋友到兒童醫院覆診時，由於受疫情影響，公園仍是關閉狀態；小朋友當時期待等到疫情好轉後，可以到公園玩耍，

「人哋喺上面病到眼坦坦，期望覆完診，落去行個圈，玩陣再回家閉關。而家畀人搞到下面一地街外人，人山人海，玩到嘻嘻哈哈……你叫病童同家長情何以堪？」

事主坦言，明白健康的小朋友需要到公園「放電」玩耍，相反病童亦需要一個公園「唞一啖氣」，直言「不在其位，不謀其政！針唔拮到肉，係唔會知痛！」又呼籲其他家長避免帶小童前往該處︰

「對你嚟講，佢係一個好玩，好有新鮮感嘅公園；但對一個有病嘅小朋友嚟講，呢個公園係佢去醫院唯一可以擁有嘅歡樂。請各位高抬貴手！呃少陣Like！香港仲有好多好玩嘅公園！請留一個淨土畀一班勇敢嘅小戰士！」

網民反應兩極

帖文一出隨即引來極大迴響，有家長指該公園並非醫院管轄範圍，認為矛頭應指向政府規劃；亦有人「同理心」地提出應將公園留給有需要的人士使用︰

（↓點擊圖片放大↓）

每朝索取《晴報》：精明生活．健康家庭．開心娛樂

撰文︰潘迦晴