26歲的馮盈盈向來緋聞多多，曾被拍到與有米「筍盤」飯聚，獲封拜金港女。早前盈盈現身邵氏節目《師父有請》，霸氣表示自己若吸引有錢男士追求也沒辦法，更揚言不想再被指「釣金龜」︰「月入8,000蚊以下先好嚟搵我，希望有人可以介紹下。」
日前馮盈盈與方力申（小方）、陳自瑤等，為麥玲玲、林盛斌（阿Bob）主持的訪談節目《師父有請》任嘉賓。近年盈盈的感情生活多姿多采，自從她與醫生男友寶寶（鍾文浩）前年年尾分手後，一度被指與大隻主播鄭衍峰拍拖；今年初更被拍到與地產界才俊於米芝蓮三星餐廳撑枱腳，她因而被網民封為拜金港女，認真無奈。節目中，盈盈被問到每次一齊食飯的男性皆是有錢人，她回應︰「我想講，淨係啲有錢嘅（男士）想嚟搵我，咁我都無計呀？」現場人士即時拍手叫好，阿Bob更讚盈盈夠霸氣，盈盈續稱︰「想認識我嘅朋友，多數比我年紀大少少，同埋事業上有少少成就，同年嘅反而無乜。」
方力申埋怨被睇低
盈盈在節目中乘機公開招親，盼獲「低薪男士」垂青，令她不再被視為拜金港女。盈盈說︰「月入8,000蚊以下先好嚟搵我，我唔想再被人話我釣金龜，不過依家搵8,000蚊樓下（的男士）好少，可能仲難搵過有錢人，希望有人可以介紹下。」她強調會繼續與朋友正常社交，又狂呻︰「我都唔明人食飯我食飯，間餐廳咁大，硬係有啲八卦人周圍偷拍，報料人有錢收，最嬲係我無份收，佢哋收萬幾蚊，分分鐘貴過我一集騷錢。」
此外，麥玲玲指同場的小方命格中，要娶起碼年輕八歲的太太，所以提議小方追求盈盈。不過，現年41歲的小方卻口窒窒稱︰「我嘅收入喺疫情下真係少過8,000蚊，同我同年嘅（女生），總係覺得我低能、睇我唔起，細個啲嘅就容易欣賞我！」不過小方早前被爆鍾情另一位女神陳瀅，相信難與盈盈過電。
撰文︰Steven
美術︰梁政敏