余香凝超級巨肚VS湯怡佗B曬腰 Patrick Sir老婆產前喪食有事公布

余香凝（Jennifer）、湯怡和Patrick Sir太太關宛珊三位幸福準媽媽，腹中BB正在健康成長，3位靚媽不約而同在IG大曬孕肚照，目測以余香凝最犀利，擁超級巨肚，曾是模特兒的她，穿上比堅尼坐在酒店泳池邊好好享受，寫上「My babymoon，無得飛但係都有babymoon。」好友顏卓靈亦留言表示：「啊啊啊……好重（巨肚）的感覺！依然美！」鄧穎芝則說：「你個肚好似特別大，辛苦了媽媽。」很多網民都猜她佗孖B，亦有說肚形很圓，一定是B女。亦有網民留言「唔單止鑼咁大，你個肚直情大過鑼」。

{{hket:inline-image name="01.jpg"}}{{/hket:inline-image}}

余香凝8個月巨肚，網民猜她佗孖胎。（圖片 : 余香凝IG）

至於余香凝和老公Tim，趁babymoon到尖沙嘴的酒店staycation，昨晚兩人到酒店餐廳撐枱腳，IG片段中見余香凝拿起紅酒杯，以為她佗B竟破禁喝酒，原來只是「聞咗當飲咗」，她說：「紅酒？聞一下就好了，牛扒是我食過最好食的！飯後跟老公看看夜景、下棋，浪漫浪漫，很滿足的一天。」

（↓點擊圖片放大 余香凝佗B破禁?↓）

老公麥秋成傍住│湯怡懷孕5個月挺巨肚玩倒立 網友擔心意外勸阻反引發IG罵戰 【下一頁】

另一位準人母湯怡，佗B後亦沒有減少做運動的習慣，在IG分享短片，趁做運動前向網民「曬肚」，著上sports bra及貼身運動褲的湯怡，首先背向鏡頭，隨後來個大肚婆華麗轉身，叉腰扭pat，再摸摸孕肚；見其B肚已經「長大」很多，肥肚不肥腰，依然保住S腰，她發文說：「食得健康，做適量運動，自然陀得輕鬆又開心，條腰係可以同BB共存，所以陀B唔一定會走樣。」

（↓點擊圖片放大 湯怡佗Ｂ肥肚不肥腰↓）

至於Patrick Sir的太太關宛珊（Kimmy），孕肚已經踏入第37周，即將「卸貨」，之前兩人預告佗B仔。準爸爸的心情當然好期待，日前便分享和太太的黑白孕相，發文說：「喂喂BB仔，你喺裡面住咗好耐嘞喎，想唔想出嚟見吓呢個精彩嘅世界？我同媽咪已經準備好晒，為你ready好一個溫暖的家！當然仲有Don Don都好期待見到你呢位新成員！我哋已經幫你起咗英文名，你估你叫乜嘢名？」

{{hket:inline-image name="30.jpg"}}{{/hket:inline-image}}

Patrick Sir、太太關宛珊和愛犬Don Don一齊拍孕照。（圖片︰Patrick Sir IG）

昨晚Patrick在IG揭盅，囝囝英文名叫Preemo，為迎接愛子出世，Patrick日前在家中親手裝嵌BB床。至於準媽媽Kimmy，昨日悉心打扮，穿上民族色彩的花裙外出，她表示：「產前最後一次扮靚靚岀街……成日覺得自己好似偷完嘢咁，收埋啲賊贓喺個肚度，前彎少少個肚就睇落冇咁大，但係好似變幻球咁……睇吓最後張相，影右邊又會大到嚇親！完全冇諗過要著XXL……唯一一件啱著嘅夏天衫……」Kimmy挺著大肚，佗B以來食量驚人，看她在IG分享如海量級的餐前照，仍是肥B不肥人，網民紛紛讚她「佗得靚」，有經驗網民更表示：「個肚已經落咗好多，順產應該唔會辛苦，估計係男B」。

（↓點擊圖片放大 關宛珊佗B餐餐唔同款↓）

撰文：衛紫敏

李美慧曬可愛囡囡過幸福少奶生活 成熟韻味暴增曾文豪愛老婆素顏 【下一頁】