愛美麗狂想曲｜黎振燁鬼混被蕭正楠鬧性變態 與朱智賢「偷食」一周年復工無期

黎振燁去年被踢爆背大肚老婆同無綫上位小花朱智賢於荒山野嶺幽會食蛋糕，偷食斷正後隨即被打入「雪櫃」，復工無期。有謂「戲如人生」，有份演出《愛美麗狂想曲》一劇的黎振燁在劇中演一名賤男，昨日一集被蕭正楠撞破他背女友陳瀅偷食，劇情似乎有點諷刺。

{{hket:inline-image name="lai13.png"}}{{/hket:inline-image}}

昨日一集中，黎振燁與一名女子在酒吧廁所「鬼混」，被蕭正楠撞破。一直暗戀陳瀅的他睇唔過眼，將垃圾倒在偷食男女身上，更大鬧黎振燁是「性變態」，指對方只要一不開心便會偷食出軌。不過黎振燁的角色是名渣男，毫無悔意之餘，更理直氣壯話「男人唔壞，女人唔愛」；又踢爆蕭正楠鍾意陳瀅，更狡猾勸佢唔好將偷食一事告訴陳瀅，以免女方傷心。

（↓點擊圖片放大↓）

蕭正楠心有不忿，一邊在廚房刴豬肉，一邊遊說自己要放下。同時陳豪、曹永廉及楊詩敏喺廳睇緊親熱電影，更搞到佢勁氣憤，拎住菜刀跑出來大吵大鬧。之後蕭正楠向陳瀅爆黎振燁偷食，點知女方話自己一早知，更話知道蕭正楠對自己嘅感情！不過陳瀅就叫對方放下自己，唔想失去佢呢個朋友咁話。蕭正楠向佢表白後，就上咗小巴逃走，突然失戀嘅佢喺小巴上面喊到豬頭咁！

（↓點擊圖片放大↓）

唔少網民睇到噚晚一集劇情都聯想起去年黎振燁背大肚老婆與朱智賢在車中「偷食蛋糕」一事。事件曝光後兩人形象插水，黎振燁一直建立的好丈夫形象亦毀於一旦。當時兩人即時被停工，之後朱智賢與其男友謝東閔召開記者會交代事件；黎振燁就繼續潛水，幾日後佢老婆就表示因即將出世的胎兒以及念在多年感情，所以選擇原諒對方。而黎振燁就自爆與朱智賢只是數星期的霧水情緣，但就被謝東閔斥其講大話。

「偷食蛋糕」事件發生已一年，事件中女主角朱智賢早前已獲「解凍」，有份宣傳《愛美麗狂想曲》。不過黎振燁依然被停工，未有復工跡象，而他有份參演而未播出的劇集仲有《食腦喪B》及《唐人街》。

（↓點擊圖片放大↓）

《愛美麗狂想曲》下周一播︱傳朱智賢獲無綫放生出席新劇宣傳 停工一年積極洗底營造健康形象 【下一頁】