【聲明】港生活網站並無進行電話推廣活動

拒認秘戀19歲女神Candy 姜濤開腔解畫︰只係誤會

發佈時間: 2021/04/14

人氣王姜濤將於本月底22歲生日,早前他接受陳志雲網台節目訪問時,聲稱至今仍屬A0(未拍過拖),更坦承依然是處男。話口未完,姜濤被爆與ViuTV單元劇《YOLO的練習曲》19歲女團成員黃曦誼(Candy)疑似曾經秘密撻着,昨日姜濤否認跟Candy拍拖,一班「姜糖」大可放心。

男團MIRROR昨日到旺角鬧市出席《MIRROR兩周年緣份扭蛋機》活動,吸引數百粉絲及途人圍觀,有粉絲更爬上路邊鐵欄拍攝偶像,險象環生。緋聞主角姜濤甫現身即成全場焦點,對於被指與Candy在情人節前夕結伴夜遊中環?姜濤淡然說︰「係一個誤會,我都係睇新聞先知佢嗰日都有行嗰度。其實嗰日我係跑步,經過每個地方都會打卡,而且我哋只合作過一套音樂電影,間中喺網上交流,今次產生誤會,唔好意思。」

私追事件已和解

至於隊友Ian(陳卓賢)被指已取消關注Candy的IG,Ian竟然經姜濤提點後才想起女方身份。Ian說︰「我嘅社交網站好少follow異性,之前係禮貌上互相關注,私下無聯絡,亦唔會特別想知對方嘅日常事。」姜濤又大爆︰「我哋follow邊個,都唔係我哋自己決定,係公司……」身旁的經理人花姐(黃慧君)即說︰「一定要follow我囉!」Anson Kong(江𤒹生)早已成「絕緣體」,取消關注部分異性朋友,更笑言「份糧包埋」。

另外,隊長Lokman透露他們前晚在梅窩拍竣梁祖堯主持的《調教你MIRROR》,被爆在節目上真情流露喊得最勁的Ian說︰「喺輕鬆嘅環境入面釋放咗心情。」至於早前粉絲「私追」事件鬧風波,Lokman笑說︰「我哋同粉絲溝通之後,大家已經和解,關係比之前更親密。」

至於頻頻接廣告的姜濤,最近與蔡卓妍(阿Sa)合作拍攝預防HPV廣告,雖然當日兩人分開不同地點拍攝,但姜濤收工後,立即親往阿Sa拍攝場地探班,不過怕醜的他緊張到腦海一片空白:「阿Sa對我嚟講係前輩,點知去到佢咁nice,主動打招呼,搞到我有啲唔好意思。」

撰文︰倪小珊

攝影︰林良明

美術︰梁政敏

拒認秘戀19歲女神Candy 姜濤開腔解畫︰只係誤會

姜濤(右)自爆在社交網站關注誰人,不由自己決定。

拒認秘戀19歲女神Candy 姜濤開腔解畫︰只係誤會

Candy外表清純可人。(IG圖片)

拒認秘戀19歲女神Candy 姜濤開腔解畫︰只係誤會

姜濤被指取代周柏豪,與蔡卓妍合作拍廣告。