《學神出沒注意》︳前主播陳嘉倩P牌揸車似舞龍 危駕撞凹鐵欄 港女上身：點算呀？

人稱「嘉倩BB」的前新聞主播陳嘉倩，為ViuTV《學神出沒注意》擔任嘉賓。據節目資料顯示，嘉倩半年前考獲車牌，但實戰次數不足3次，揸車仍然需要掛「P牌」，所以節目導演為安全起見，搵來駕駛員Alex幫手「跟車」睇實嘉倩。

{{hket:inline-image name="24.jpg"}}{{/hket:inline-image}}

「P牌女神」陳嘉倩究竟駕駛技術有幾嚇人？（圖片︰電視截圖）

{{hket:inline-image name="25.jpg"}}{{/hket:inline-image}}

陳嘉倩半年前考獲車牌，現在是「P牌仔」。（圖片︰電視截圖）

《最後一屆口罩小姐選舉》︳ERROR選出20強度身起新朵 093打人情牌 肥仔Out走高齡前港姐 【下一頁】

「P牌嘉倩」坐上司機位後的幾個動作已露餡，不懂鬆開手制、打指揮燈變了開水撥及以龜速行車等。嘉倩跟指示由荃灣駛上屯門公路，「零方向感」的她要靠旁邊的Alex做「人肉導航器」，當駛進屯門公路後，嘉倩竟不知自己身在何處，她說：「吓﹗我上咗公路？我第一次上Highway咋﹗」嘉倩在中線龜速行駛時不斷被人超車，有些司機擺明嫌她「阻住地球轉」，紛紛投以怒視眼光，她竟然問Alex：「啲人係咪望住我呀？我有乜嘢咁特別？我揸得唔穩咩？」Alex亦老實不客氣說出原因，就是因為她揸得特別慢。

在屯門公路總算無驚無險，可是駛至室內停車場即出事，事緣節目安排考驗嘉倩的泊車技術，Alex於是下車讓女神一顯身手，但嘉倩從倒後鏡中看到變成「步兵」的Alex追著其車尾即分心，她一臉雀躍表示︰「你追星呀，瘋狂粉絲！」話口未完就已撞上牆邊的鐵欄，煞停車後即問︰「點算呀？」Alex疑惑說︰「你睇唔到有條柱？」

嘉倩更反怪Alex離開她身邊就出事，並未有落車去關心一下其「傑作」，還要Alex去善後，導演望到「車毀欄杆彎」要賠錢就好頭痕。

（↓點擊放大 睇圖片↓）

眾人見識過嘉倩的危駕技術後，於是安排她到駕駛學院補鐘，嘉倩以貼身衫配短裙現身，到場即向教車師傅發功，她說：「你覺得我有冇天份（揸車）？我專登著短裙嚟﹗」心想短裙Look有助增進駕駛技術，教車師傅亦不為所動表示：「冇乜嘢作用喎！」，最後教車師傅落堂後指出，嘉倩的問題是路面駕駛經驗不足及欠觀察力。

網民對嘉倩的駕駛技術同樣不敢恭維，在ViuTV的FB專頁內見到負評如潮，而識睇當然要睇留言，包括：「好嬲多過好笑！手車流都唔算最大問題，駕駛態度差先恐怖。」、「輕佻、唔專心、一味望左邊講追星，完全唔睇前面，咪搞到撞囉！」、「好有啟發性，反面教材，唔好跟佢就得。」、「人哋唔係望你靚女，係你揸到出哂線，左搖右擺。」、「P牌唔係問題，駕駛態度先係最大問題。」總括一眾網民意見，嘉倩為己為人，不駕車為妙！

（↓點擊放大 睇圖片↓）

撰文：衛紫敏

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

蔡思貝逆市出手斥200萬買車位 投資有道2018年已買磚頭等升值 【下一頁】