【沖涼有得揀】有咩浴缸做到而企缸做唔到？網民激辯企缸VS浴缸

近日有網民於討論區中發帖，指現時一般新樓大多都附有浴缸，他認為9成港人都喜歡用企缸，不明白用浴缸的決定，是否因為成本更低，該帖子引起支持企缸及浴缸兩派網民在網上進行舌戰。

有支持浴缸的網民指，原來企缸建築成本更高，因為企缸需要預留空間做隔氣和防水，更認為浴缸感覺更加高檔，「企缸係生存，浴缸係生活。」浴缸可以做到企缸做到的事，可浸浴亦有花灑位，選擇企在浴缸淋浴都可以。有人甚至提出浴缸防漏水的性能比企缸好，認為浴缸較少罅隙，漏水的可能性比用雲石或磚瓦砌成的企缸更小。

企缸係生存 浴缸係生活

不過亦有人指出浴缸不能做到乾濕分離，而且佔用浴室大量位置，加上清潔起來比較麻煩。「浴缸可以配浴簾，但擋水無企缸加浴屏好。當然，浴缸都可以裝浴屏，但真係無咁襯，所以乾濕分離方面企缸係優勝少少。」 更指如果家中有長者更危險，跨步入浴缸時很容易跌倒，所以好多家庭見父母年紀愈大，裝修時都改企缸。

↓點擊睇兩派網民點講：↓

不過，支持企缸一派就指企缸方便，表示平時根本沒有時間浸浴，最後都是企喺度沖，「有幾何日日開水浸？企缸快靚正。」而且企缸安全慳位，更適合香港狹窄的環境，「擒嚟擒去唔會仲危險咩？放張凳仔係企缸，加埋防滑，感覺好啲。」 

有網民就表示選擇浴缸和企缸純粹是個人喜好，各有優缺點。「個人喜好，無話邊個好啲。浴缸無工人姐姐又要洗得辛苦，有工人姐姐又唔想同佢用同一個浴缸。同埋有啲新樓嘅浴缸，細到連腳都伸唔直，唔知整嚟做乜！」 

編輯：何嘉禧

接收全方位穩健財富管理資訊，請讚好「健康財富 Wealthy Life」Facebook：https://fb.com/Wealthylifehk/