為J2拍新節目｜梁芷珮老公「失手」航拍機墮海 除剩內褲落海搵 最後點收科？

梁芷珮（Christy）主持的旅遊節目《潮什麼》系列大受歡迎，不過受新冠肺炎疫情影響，她未能外遊拍攝旅遊節目。而最近Christy在港為J2拍新節目，主要是以飲食為主題。而節目除了由Christy主持外，亦是由老公Kenneth掌機拍攝及製作，是全自家製作，兩公婆齊齊拍住上。

{{hket:inline-image name="103983071_285758089308070_307176452983470300_n_600.jpg"}}{{/hket:inline-image}}

昨日Christy在IG分享了拍攝節目時的小插曲，原來她老公的航拍機在拍攝途中墜機，她留言指：「專業嘅攝影師都有失手嘅一日⋯⋯目擊今日老公墜機後嘅情況救唔救到呢？」

{{hket:inline-image name="169654828_161641705828578_3929054913229394471_n.jpg"}}{{/hket:inline-image}}

從她post的影片中可見，本來有位熱心的泳客幫她們搵航拍機，不過就搵唔到。而本來係岸上的Kenneth就一路望住，Christy為其後製內心OS：「落唔落去好呢？冇帶泳褲，仲有兩個items要拍喎！」之後片中的Kenneth二話不說便除剩內褲落海搵航拍機，完全「豁出去」！

尋尋覓覓，好彩最後Kenneth都搵得番部航拍機，Christy即刻大叫「搵到喇好嘢！」老公上岸後，Christy問對方有冇事，「不過算啦，你有事唔緊要，最緊要張卡冇事。」之後兩人趕去運動場沖身，Christy一路影住老公背影，指佢著住內褲同戴住口罩周街走好sexy。

（↓點擊圖片放大↓）

有唔少網友留言大讚Christy老公著住內褲跳入水搵航拍機嘅行為好man，「man到核爆」、「好到冇朋友，太偉大了！」、「好彩唔係三角褲咋」、「真好彩，墜機都揾到抵讚」、「搵得番真係奇蹟」。又有人提醒兩人下次拍有水嘅地方要準備充足，「記住著定泳褲/帶多條底褲放係車入面……」而Christy亦大讚老公好professional！

Christy接受《晴報》訪問時表示整個過程好搞笑：「我哋冇拍旅遊嘢好耐，好耐冇開航拍機，又唔得閒開吓。噚日係第一日用，頭三次都冇事，拍晒嘢，但去到第四次起飛就諗住仲有少少電就用埋去啦，點知去到影完最重要個Shot，影完返嚟航拍機突然極速墜機，跌咗落海，嗰刻勁驚。好彩有啲泳客見到個機跌落邊個位，一開始有幫手搵。之後我老公頂唔順，自己落海搵。因為部機唔見咗唔緊要，最重要係啲片，好彩最後搵得番。」而最後好彩航拍機同記憶卡都救得番，「所以佢衝落去救機係值得嘅，同埋而家科技真係好先進，仲影到跌落水嗰下！」

{{hket:inline-image name="165582236_814307729165466_8935397061410968422_n.jpg"}}{{/hket:inline-image}}

她又指航拍機墮海無影響到拍攝進程，「因為我老公好快搵到部機，全靠泳客見到個機跌落邊個位。最大影響就係skip咗個Lunch，佢要即刻衝去西貢運動場沖身，趕去下個拍攝地點。最精彩係佢之後冇著底褲，剩係著住條褲，拍咗成日嘢。」

{{hket:inline-image name="166438968_444286263348784_7328203711808595776_n.jpg"}}{{/hket:inline-image}}

潮什麼│梁芷珮疫情下冇得飛停拍1年多 終重新出發拍攝全新J2節目 【下一頁】

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】