Patrick Sir太太關宛珊順利誕7磅幾囝囝 Preemo洋蔥頭鼻頭似足爸爸

恭喜Patrick Sir（林溥來）和太太關宛珊（Kimmy），他們的愛情結晶終於出世！Patrick Sir在社交平台公布喜訊，囝囝昨日出世，名叫林若嘉，英文名Preemo，並上載一家三口的溫馨合照。Kimmy才剛生產完一日，已經神彩飛揚，非常精靈；而Patrick Sir這位新手爸爸更拎住奶樽親手餵囝囝飲奶，幸福感滿滿。Preemo出世一日不過都好大隻，而且頭髮量驚人，眼仔碌碌，非常可愛，鼻頭大似足爸爸。

余香凝超級巨肚VS湯怡佗B曬腰 Patrick Sir老婆產前喪食有事公布【下一頁】

{{hket:inline-image name="173148932_10159240641026081_60108388133339301_n.jpg"}}{{/hket:inline-image}}

Patrick搞笑以囝囝的角度寫出感言：「我一出世體重有7磅幾，身長50cm，喊咗幾聲之後，就可以即刻打開雙眼，仲見到爹哋媽咪兩個都眼濕濕咁望住我同叫我個名添！哈哈，我仲聽到幫我出世嘅醫生同各位助產士都話，我個頭好大同埋有好多頭髮，仲話我好大舊（嚿）添！By the way，大家鍾唔鍾意我嘅洋蔥頭髮型呢？講個秘密大家知，我仲聽到爹哋嘅心聲添！佢話︰『感恩天主賞賜一份完美嘅禮物畀我同Kimmy，我哋會好好愛護佢教導佢，令佢快樂成長，培育佢成為一位有愛心、有責任感、有能力嘅人，長大後好好咁貢獻社會，為世界帶嚟正面嘅改變。老婆，好多謝你，多謝你咁多個月嚟陀住BB仔嘅付出！陪住你生嘅時候，拖住你隻手，頭貼頭，嗰一刻覺得你好靚好偉大，你樂天正面嘅態度令我個心好溫暖。雖然我哋已經做父母，但係喺我心目中，你永遠都係我可愛嘅女朋友仔，對你嘅愛唔會有一絲減退。Will love you and Preemo forever！』雖然我唔係太聽得明爹哋講乜嘢，但係我知佢同媽咪都好錫我，我仲知道知道我好快會返屋企，好期待見到爹哋媽咪都好錫嘅Uncle Don Don添！好啦，我肚餓要飲奶奶喇，講住咁多先！Cheers！」

（點擊放大睇圖片）

愛美麗狂想曲│Patrick Sir被蝦頭猴擒進擊失敗 太太關宛珊現宮縮下周提早分娩【下一頁】

Patrick Sir接受《晴報》電話訪問，難掩做爸爸的喜悅，他表示：「多謝大家，太太係開刀剖腹，本身想順產，不過因為BB太大隻，頭又大，醫生話都係開刀安全啲。我都有入去剪臍帶，BB好神奇，一出世喊幾聲就好快開眼，望住我哋，當刻真係好感動。本來我哋兩個都好冷靜，直至聽到BB喊聲，我哋一聽到就飆眼淚。（似爸爸定媽媽？）暫時我覺得都幾似我哋兩個細個嘅時候，都係多頭髮，所以兩個都似！」

責任編輯：楊安莉