新劇化身AV女優 32D張秀文挑機蔣家旻

張秀文與蔣家旻前晚到無綫宣傳本周五在myTV Gold上架的新劇《欺詐劇團》，兩人在劇中分別穿上性感內衣及肚兜扮演AV女優，挑戰電視尺度。飾演「波多野莎莎」的蔣家旻，坦言身材不及張秀文，所以不介意演出「貧乳」角色。

張秀文、蔣家旻、敖嘉年及林秀怡等前晚宣傳新劇，秀文透露與蔣家旻在劇中化身AV女優。秀文說︰「我哋有盒扮AV影碟嘅道具，意識形態上真係好似，我着住件吊帶性感內衣，側邊啲相就打晒格，仲加咗『最強素人』、『D Cup』呢啲字眼，製作好認真，亦係全劇嘅彩蛋。」問秀文是否真的擁有D Cup身材？她扭扭擰擰說︰「32D囉，今次真係近期最性感一次，因為我會不停縮沙，唔會好似以前咁性感。」

民初街影封面

至於飾演編劇的蔣家旻，在劇中為了欺騙男主角，犧牲色相扮女優，導演更為她的角色改藝名。她說︰「我個名叫波多野莎莎，因為男主角唔鍾意大胸女仔，所以佢哋揀咗我演，我着住肚兜扮『貧乳』，仲特登去咗民初街影AV封面，講我被人五花大綁，仲有清兵喺度。」問家旻對自己身材是否有自信？她笑說︰「夠用就OK，咁秀文身材梗係勁啲啦，相對之下我就係『貧乳』。」家旻又指雖然劇情大膽，但絕不色情，她期待劇集可以在翡翠台播出︰「如果原汁原味，觀眾應該會睇得開心啲。」

採訪︰倪小珊

美術︰梁政敏