返內地拍戲半年 洪卓立帶大量紙巾護「窿」

洪卓立（Ken）、張繼聰、吳若希及關心妍等，前晚到無綫出席音樂活動。將於本月底出發到內地工作近半年的Ken，表示未試過要執半年份量的行李，而最重要是一定帶備足夠紙巾。他解釋︰「我用過當地嘅紙巾，用完覺得好奇怪，唔係咁舒服，我份人好衰，對呢樣嘢好有要求。（最常用喺邊方面？）用喺個窿度，鼻哥窿呀！總之到時帶得幾多就幾多。」問他在內地工作半年，會否結識新女友？他表示︰「應該會識到靚女嘅，師傅話我今年內要結識50個新朋友，男女都得，而且呢兩年都好旺桃花。」

同場的張繼聰提到太太謝安琪最近報名學習駕駛電單車，近年愛上駕駛古董電單車的他笑言︰「我從來唔會主動放毒，但係我毒性太強，搞到身邊朋友都不停入坑，我老婆都係學下啫，我話安全之下係好玩嘅，佢要玩嘅時候，我哋成村人傍住佢囉。（送架電單車畀佢？）keep住送囉，但無車位泊車。」

採訪：倪小珊