愛美麗狂想曲│蝦頭終等到代表作竟離巢轉跑道 「經歷多咗學識樂意承受失敗」

楊詩敏（蝦頭）在《愛美麗狂想曲》中飾演肉食事業型中女Kiki姐，對性長期饑渴，卻找不到真命天子。無論是辦公室中的強勢能幹，還是情場上的好色主動，蝦頭均演繹得恰到好處，獲觀眾們大力讚賞。盛載著不少讚美，蝦頭偏偏選擇在代表作出現後，離開合作近8年的無綫，往外發展。

愛美麗狂想曲│蝦頭一拖五光顧牛郎店大開眼界 被李佳芯林凱恩抬起竟嚇到喊？【下一頁】

{{hket:inline-image name="DSC06967-2-2.jpg"}}{{/hket:inline-image}}

Kiki姐這人物由起初男朋友多不勝數，到後來茹素「禁慾」，遇上性冷感的醫生Baby Baby（林溥來飾），再跟好友蘇澤基（曹永廉飾）偷情出軌。劇中豔福無邊的蝦頭除了跟男演員有辣身情慾戲外，跟李佳芯、譚凱琪、陳瀅、蕭正楠等同是好姊妹，她率領一大班女仔去幫襯牛郎店，引發笑彈。蝦頭說：「未收到劇本之前，監製話我個角色Kiki姐就係《色慾都市》（Sex and the City）入面嘅Samantha，定位類似係咁。聽到時已經覺得好正，完全冇恐懼，演嘅時候好直接咁豁出去。」直言髮型、造型和化妝賦予了Kiki姐生命，令她演繹的時候不需太費力。對於Kiki的「肉食」本性，蝦頭表示：「真係極大挑戰，我完全唔係呢一類人，咁樣總算滿足到我嘅慾望，每個女仔都渴望男朋友如走馬燈，劇入面身邊咁多男伴，心心眼出晒嚟！」

蝦頭直言劇集出街後收到不少迴響，部分網友的留言更令她大感驚喜。「好多謝觀眾一直都有留意我嘅演出，今次造型同以往好唔同，好有自信，雖然我從來唔係公認好瘦、好美麗嘅女仔，但網友反而覺得咁樣著好靚囉！有啲天生微胖嘅女仔成日覺得唔夠瘦，但見到我咁有自信，佢哋就會諗『點解我唔可以呢』？」她認為這種迴響未必跟演技有關，但角色能夠讓觀眾有這樣的聯想或啟發，是成功的最大關鍵。「外表嘅評論從來打擊唔到我，反而我更加要增值自己，喺創作或者演出方面做得更好。如果我只係得表面靚，人哋一攻擊我外表，咁我咪一無所有？」

（點擊圖片放大）

蝦頭楊詩敏被出賣大量風塵舊相 對眼大幾倍：「我真係冇整容」【下一頁】

劇集和角色大受歡迎，對演員而言是可遇未必可求，不過蝦頭卻選擇在這個時刻離開TVB，是慶幸還是不幸呢？「我覺得慶幸，從來冇嘥，所有時機都係最好嘅安排，如果唔係經歷之前嘅磨練或者挑戰，我未必會識得拿捏力度，或者演得唔夠細緻。到得到Kiki姐呢個角色之後，突然間諗，不如停一停做自己想試嘅嘢，呢個改變嘅位係靚到爆！」

{{hket:inline-image name="DSC06942.jpg"}}{{/hket:inline-image}}

{{hket:inline-image name="DSC06956.jpg"}}{{/hket:inline-image}}

{{hket:inline-image name="DSC06970.jpg"}}{{/hket:inline-image}}

她表示過往7至8年在電視圈有不錯的發展，好幾齣劇集的角色都大有發揮，續說：「呢幾年各方面都發生咗好多事，無論香港定自己屋企，人長大了，時間不留情，好多嘢話離開就離開，好震驚。我自己有好多嘢想講同做。而電視呢個媒體需要花時間去經營，佢只係其中一個媒介。經過好幾年，多謝呢個平台畀我入屋嘅機會，令做舞台劇起家嘅蝦頭可以畀大家見到我嘅努力。」她表示起初聽到不少的意見，觀眾笑她演技浮誇，她慢慢去改進，終於獲得觀眾的接受。

45歲的蝦頭表示家人的健康出現問題，當頭棒喝令她意識到要珍惜和好好把握，「離開舒適圈一啲都唔簡單，不過經歷咗咁多嘢，我怕時間走多啲，好怕再過多一年，世界又唔同晒，我想爭取時間去學、去試！我開放自己，願意接受挫敗，反而幾欣賞而家嘅自己。」她認為創作需要花時間，全神貫注投入去做，所以必須騰出空間給自己，寫好劇本之後再好好發展。

蝦頭現忙於在YouTube頻道做live音樂會，又籌備自己的舞台劇劇本，對於感情歸宿，她說：「我而家單身冇拍拖，遇到就遇，有啲人做緊朋友嘅，只係未到要拍拖嘅階段，如果『佢』出現就係合適嘅時機，我隨時準備好去愛！」

髮型：Ivan Lee＠Headquarters
場地：abc> Studio
攝影：潘卓忻
責任編輯：楊安莉