肥媽因疫情封關禁飛一年多 被爆沙巴4千呎豪宅遭斷電斷水

肥媽（Maria Cordero）在馬來西亞的沙巴擁有一間3600呎的複式豪宅單位，以往每年她例必和家人往返多次度假，可惜由於疫情關係，已經超過一年「冇得飛」。豪宅留空事小，搞到斷電斷水事大。日前肥媽與馬來西亞的朋友做網上直播節目時自爆，稱在沙巴亞庇的住宅，自己已超過一年未有返去；因無法繳付電費和水費關係，終於被斷電斷水。肥媽稱在疫情前，每隔3個月便會飛去視為第二個家的馬來西亞，因丈夫Rick生前很喜歡沙巴這個地方，早年便決定在沙巴買一個單位，方便一家大細去度假，她說：「沙巴環境好幽靜，度假Relax係最適合，我老公生前就好鍾意喺沙巴我哋住嘅附近去行山、影吓相，釣魚同打高爾夫球。」

{{hket:inline-image name="54.jpg"}}{{/hket:inline-image}}

肥媽指老公Rick生前很喜歡馬來西亞，早年已在當地買樓用來度假。（圖片 ：肥媽FB）

{{hket:inline-image name="43.jpg"}}{{/hket:inline-image}}

肥媽在沙巴的豪宅遭斷水斷電。（圖片 ：肥媽FB）

（↓點擊放大睇圖片肥媽沙巴特式豪宅曝光↓）

港姐冠軍｜謝嘉怡新年素顏Look探肥媽 陸浩明同女友情侶裝網友讚登對 【下一頁】

有關如何解決豪宅被截水電的問題，肥媽接受《晴報》訪問時表示：「原先諗住叫屋苑嘅管理層代我交咗啲費用先，但佢哋話程序上唔可以咁做；同埋沙巴呢間屋係寫我老公阿Rick嘅名，因為佢已經唔喺度，要搞轉名手續，要拎遺囑去搞，都幾麻煩，應該有排搞。另外，我都有託當地朋友幫手，佢哋都話幫我打去電燈公司同水務署，因為每個地方嘅法例都唔一樣，睇吓我可以點做啦。」至於在其他國家投資的物業，肥媽慶幸未有出問題，她說：「因為嗰啲有Agency負責跟，就算有一段時間返唔到去都會有人打理。」

肥媽曾經拍片和網民分享在沙巴逾4千呎的複式豪宅，下層是客飯廳，面積超大，十分寬敞；飯廳以中式傢俬擺設為主，擺放了可容納十人的圓餐枱，大門右邊是一個弧形大樓梯通往上層睡房。廚房是開放式，電器爐具俱全，各式煲及廚具掛滿牆身，成為特色牆。客廳放了三張巨型梳化，落地玻璃後面是一個超級大露台，最巴閉又具特色的是露台其中一部份是泳池，讓人可以邊游水邊看日出日落，欣賞180度的無敵海景，難怪肥媽兩公婆超愛沙巴這間豪宅，真的不無道理。

（↓點擊放大睇圖片↓）

撰文：衛紫敏

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

甜蜜的任務│林峯超肉麻情話冧老婆張馨月 囡囡出世後 堅持老婆永遠放第一位 【下一頁】