姜濤與蔡卓妍（阿Sa）前晚出席代言HPV疫苗活動，姜濤近期成為廣告天王，有指他半年內狂拍50個廣告，曾表示想盡快賺錢買樓的他，樂意接拍衞生巾等女性用品廣告，不過對於內褲廣告卻零自信，更想借用隊友身材P圖。
姜濤早前與蔡卓妍合作拍HPV廣告，他笑言與前輩阿Sa合作開心又緊張︰「其實根本唔使擔心，因為我哋分開拍，不過我出道前都有聽Twins嘅歌。」原來姜濤至今仍未試過做觀眾欣賞演唱會︰「因為細個屋企無畀錢我睇，零用錢都用嚟買嘢食同遊戲卡。」入行後他亦只看過MIRROR隊友陳卓賢（Ian）的音樂會。
有指姜濤密密接廣告變吸金王，他自言無認真數過拍了多少廣告，但希望廣告客戶繼續找他合作。問他是否豬籠入水？他搞笑說︰「好多支票未收到呀。（擔心經理人花姐黃慧君落格？）唔會！如果係，花姐就唔會咁窮啦！」他笑言有錢賺不介意拍衛生巾廣告，最好MIRROR一齊上陣，至於拍攝內褲廣告？他即說︰「P我個樣得唔得？身體可以用Stanley（邱士縉），用真身我驚以後無晒廣告，嚇走晒啲客，我都有自知之明。」另外，姜濤在活動後趕往會合MIRROR隊友，出席《Chill Club》頒獎禮綵排，他表示對個人獎項抱平常心，MIRROR獲團體獎更為重要。
阿Sa生得出姜B
同場的阿Sa大讚21歲姜濤好cute又有禮貌，更識唱對方歌曲《蒙着嘴說愛你》。現年38歲的她笑說︰「拍攝之前助手話我『生得出姜濤』，搞到我第二日起身即刻狂碌塊面，你哋話幾大壓力！」阿Sa年前已雪卵準備將來生育，但她坦言疫情之下，令她暫時打消生仔念頭。
採訪︰Pauline
美術︰梁政敏
攝影︰林良明