Edan＠MIRROR 曬「十兄弟」髮型

男團MIRROR近來人氣急升，成員呂爵安（Edan）向來無偶像包袱，他前晚在IG上載剪髮相，只見他頭髮全濕兼向下梳，髮型騎呢似足「十兄弟」，不過他指自己剪了一個「barcode頭」，更仔細形容該髮型走在潮流尖端︰「呢個髮型就係特登設計成一把傘嘅形狀，象徵住你係擁有遮風擋雨嘅能力，女士們見到呢個頭，一定會頓時安全感十足…認真啲望一望，其實佢仲係一個屋頂嘅形狀，呢個屋頂象徵住home…絕對畀到女士們可靠嘅感覺。」不少網民取笑他似河童，一眾隊友更紛紛留笑到喊emoji。

另外，Edan與隊友盧瀚霆（Anson Lo）拍攝的BL劇《大叔的愛》雖然未播出，不過他們聯同姜濤一同演出廣告短劇《大姜的愛》。短劇中，Edan獲新同事姜濤力追，姜濤出動氣音在Edan耳邊講「生日快樂」，後來成功奪取Edan「芳心」，更一條薯條兩份分，相當溫馨。