妻子的浪漫旅行5｜林峯張馨月拍拖曾被女方雙親反對 食外母口水尾：我媽心都融化

林峯與太太張馨月有份參演的內地真人騷《妻子的浪漫旅行5》日前播出第一集，兩人在節目中攞正牌曬恩愛，又不時向對方講甜言蜜語，非常sweet。張馨月在節目開始時便直言好多人都質疑佢同林峯呢段婚姻，所以希望透過呢次節目畀大家了解到佢哋嘅愛情係點樣嘅。

{{hket:inline-image name="68d7238dgy1gp41qkeki9j20u01hc7a7.jpg"}}{{/hket:inline-image}}

除了林峯和張馨月外，嘉賓名單中還有內地演員陳建斌、蔣勤勤、秦海璐、王新軍，鄒凱及周捷。幾對夫妻出發到成都前先要回答節目組嘅問題：「你覺得婚姻裡面需要演技嗎？」兩人的答案都係Yes，坦言為咗令對方開心都係需要一點演技。張馨月話：「多多少少還是需要一點演技！」

{{hket:inline-image name="lam8.png"}}{{/hket:inline-image}}

而到達目的地後，每對夫妻都各自對另一半「喊話」。林峯向老婆承諾今年會飲少啲酒，而張馨月就希望老公身體健康、少受傷，「我們的愛情長長久久！」之後兩人又攬攬，林峯更錫老婆臉頰，公然放閃！

{{hket:inline-image name="006Hyz67gy1gpiz9hwexgj30u018ynph.jpg"}}{{/hket:inline-image}}

節目組更為新婚一年多的兩人準備龍鳳被，祝他們早生貴子。林峯見到後大讚節目組細心，「早生貴子，太厲害了。知道我要追多一個小朋友。」

（↓點擊圖片放大↓）

之後幾對夫妻一齊食飯，談到第一次愛上對方的時刻，契機原來係張馨月閨密！林峯表示老婆嘅閨密係自己嘅忠實fans，「她有一次帶那個閨密認識我，打了個招呼，吃了頓飯。我覺得她帶閨密追星『很仗義』。」又承認係自己追求張馨月！

張馨月被問到同明星拍拖係咪好大壓力，佢坦言：「覺得不切實際，包括我父母開始都是不同意。」張馨月更爆林峯點𠱁掂「未來外母」，「有一次林峯買早餐探我和媽媽，我媽那天可能有點不舒服，吃了幾口就沒吃，放在一邊，結果林峯就吃了！我媽就覺得他不嫌棄吃她吃過的東西，就覺得這個人好實誠。」佢仲話林峯餵埋佢媽咪食飯，「把我媽的心一下給融到了，給她的感覺真的像兒子一樣！」而身邊嘅林峯雖然一路聽老婆講嘢冇出過聲，但幸福嘅表情已不言而喻！

（↓點擊圖片放大↓）

圖片來源：《妻子的浪漫旅行5》截圖、微博圖片

去年9月誕女｜林峯半歲女頭仔勁圓似個boy 張馨月為保護囡囡親搭活動空間 【下一頁】

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】