生日遇腸胃炎│麥大力靠綜藝節目廣東話大進步 處男下海拍劇演富二代努力拼音

去年《衝上雲霄大選》中贏得冠軍的飛機師麥大力簽約無綫之後，演出機會不斷，率先為明珠台《港生活‧港享受》擔任主持，早前獲安排拍攝myTV Super五周年特備節目《Super5》，節目今日上架。而麥大力今日（4.16）出席新劇《雙生陌生人》的試造型儀式，正式處男下海拍劇。

衝上雲霄大選│麥大力35歲生日好友食飯慶生 同邊個一齊食情侶蛋糕咁sweet？【下一頁】

{{hket:inline-image name="5900208f-191d-4d25-8ac6-1b5ccf1c1cdb.JPG"}}{{/hket:inline-image}}

麥大力接受《晴報》訪問，他表示首次拍劇，角色是一名富二代，跟幾位律師有較多的對手戲。對於第一次拍劇感到開心、緊張又興奮，他說：「拍劇要學好多嘢，事前練好多嘢，特別係廣東話對白，收到一部分劇本，好多中文字，我要拼音，好彩劇組中有幾位演員我都認識，希望可以幫吓我。」同時表示日前亦有跟盛勁為客串另一齣劇集，由朝早9點開工，拍到第二日清晨5點，笑言：「都幾辛苦，揸飛機都冇咁長時間。我覺得自己好好彩，公司畀好多唔同節目我去試，希望搵到合適自己嘅路，得到更多經驗。（賺到錢未？）ok嘅，好玩最重要。」

提到日前係麥大力35歲生日，他自爆原本腸胃炎病咗4日，「冇瞓覺冇食嘢，慶祝活動都推過幾次，（朋友成日上你屋企開派對？）平時冇得一大班人出街食嘢，食店又早閂門，所以叫朋友去我屋企煮嘢食，坐得舒服啲又可以玩夜啲。」

（點擊放大睇圖片）

麥美恩心心眼出手幫飛機師補妝 麥大力急澄清：我仲係單身【下一頁】

《Super5》節目今日正式上架，見麥大力同麥美恩、簡淑兒、馮盈盈同朱敏瀚（Brian）一齊玩遊戲，麥大力自詡廣東話有進步，「佢哋四個完全唔肯同我講英文，起碼我以為Brian係中英混血兒，一開始同佢講英文，點知佢用廣東話答番我！佢哋唔理我，堅持唔用英文，所以我真係有進步。參賽時可能係1分，而家應該有4分，最重要係我習慣講多啲廣東話。」他表示起初跟4位主持不熟絡，比較拘謹。問到麥美恩係咪借機追求？他說：「好玩啫，佢好搞笑，個節目日日都有搞笑事，（話你離地？）佢哋講笑啫，一齊玩好開心。」

節目中的遊戲，麥大力連環贏出3項比賽，原來麥美恩、簡淑兒刻意助攻讓他勝出，事關遊戲前2人落重注賭麥大力贏，最終她們亦贏取不少金幣。最後環節「扑復活蛋」，馮盈盈成功扑到50枚金幣成為大贏家，而麥大力唔小心一扑，連個槌仔都扑爛埋，笑言：「我叫大力吖嘛！」而馮盈盈說：「鬼仔扑嘢係大力啲嘅！」

責任編輯：楊安莉