《大整蠱》下周開播│預告片曝光近百位藝人被整蠱 主持陸永：其實整蠱咗Do姐…

由農夫和艾粒合作主持的全新綜藝節目，日前在宣傳活動上聲稱未有節目名字，搞笑話他們於《忠於鄭裕玲》、《今晚好想Do》及《原來我係人》中三揀一，而節目內容是幫Do姐（鄭裕玲）搵接班人；當日講到似層層，大讚睇好馮盈盈做接班人。

謎底近日終於揭開，節目定名《大整蠱》，播出的宣傳片見到並不是幫Do姐搵接班人，而是整蠱藝人的節目；多位藝人閃現片段中，見到林盛斌（Bob）在電視城停車場被整，林穎彤（Bella）當場爆喊，周嘉洛擺出「條氣唔多順」的表情等，看來農夫和艾粒成功整蠱人的指數甚高。

{{hket:inline-image name="e1bee6cf2adc2fca528919c2444ef393_800w.jpg"}}{{/hket:inline-image}}

{{hket:inline-image name="0416KL10.jpg"}}{{/hket:inline-image}}

師父有請│麥玲玲爆被師兄欺負單拖訪凶宅 農夫稱每次出埠同房瞓就撞鬼【下一頁】

主持人之一的陸永接受《晴報》訪問，他表示：「之前未有名是費事講明係整蠱節目，等人防範。宣傳嗰陣話我哋同艾粒有個節目，嗰時係未拍晒，所以我哋唔可以叫《大整蠱》；嗰陣時麻煩咗Do姐，借用咗佢個名話呢個節目叫《Do姐接班人》……其實呢個都係整蠱嚟，要同Do姐講聲對唔住，令到佢誤會，整蠱咗佢。」

陸永粗略估計，電視台中可能有100人被玩，當中有人「玩大」，有人就「玩細」，他解釋：「『細』就係行過畀杯雪糕佢食，其實係杯Wasabi（日本芥末），我就食綠茶雪糕，呢啲就係細單嘢；『大』就係Bella嗰啲爆喊！（事後有冇唔好意思請食飯道歉？）當然冇，因為全部整蠱唔係我諗，都唔係我想整嗰個人，大家去搵番監製啦，因為都係監製諗出嚟！」

抗疫片《總是有愛在隔離》︳陸永蘇麗珊搞婚禮被封變困獸鬥 谷祖琳6歲愛女劉悅瞓身演出【下一頁】

根據電視台資料，農夫跟小儀於2009年曾合作主持《農夫小儀嬉》，10集節目內成功整蠱不少人。今次再接再厲出撃，陸永笑言今次比上一次輕手很多，「我同C君整蠱人唔叻，艾粒就係『整蠱界始祖』，我同C君係『整蠱界恥辱』，成日整蠱唔到人，中途自己又會想笑，唔係整蠱人嘅材料。今次整蠱無乜人有防範，佢哋根本上無懷疑過我哋。（如何突破上次成績？）最大突破係整蠱人先要整蠱自己，我哋有個環節反被節目組整蠱，我哋農夫同艾粒被整蠱得好痛苦！」

（↓點擊放大睇圖片↓）

新節目《大整蠱》的宣傳片閃現廿多位藝人，陸永真的並無誇大，分分鐘有近百藝人被玩！而今次片中出現的有湯盈盈、黃建東、傅嘉莉、吳若希、黃庭鋒、丁子朗、鄭融、馮盈盈、林盛斌（Bob）、陳婉衡、周奕瑋、許家傑、林穎彤、呂慧儀、李泳豪、湯盈盈、羅樂林、滕麗名、姚瑩瑩、單立文、劉丹、陳楨怡、鄭衍峰、周嘉洛及森美等；當中Bob被整蠱後七情上面，完全不相信事實。而林穎彤在眾人面前爆喊，似乎被人「老屈」。周嘉洛就擺出「條氣唔多順」的樣子，相當無奈。喜歡呢類型節目嘅觀眾，到時真係要留意﹗

撰文：梁榮達

{{hket:facebook-video id="440921650337035"}}{{/hket:facebook-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】