楊茜堯為一歲小珍珠搞生日P 羅子溢感慨:爸媽的世界因妳轉變

楊茜堯（前名楊怡）與羅子溢（前名羅仲謙）2016年結婚，婚後二人一直努力備孕，終於喺上年「一索得女」，誕下愛情結晶「小珍珠」羅翊心（Hera）。今日佢哋趁住寶貝女1歲生日，就為佢搞咗個生日Party，一家人齊齊慶祝，非常溫馨呀！

{{hket:inline-image name="94420053_714728599267317_6321341709323099311_n.jpg"}}{{/hket:inline-image}}

楊茜堯同羅子溢各自喺社交平台Post出「媽媽視角」同「爸爸視角」，楊茜堯留言：「一年前，妳呱呱落地，袖珍的身子彷如一粒『小珍珠』，因此，婆婆給妳取了這個名字❤️ 轉眼間，妳已經1歲了，爸爸媽媽希望妳身體健康，快樂地成長，擁有幸福美滿的人生，在這溫馨的小派對裡，盛載著無限的祝福和恩典❤️ 寶貝，生日快樂wishing every happiness will always be with you❤️ Happy Birthday! With Lot’s Of Love❤️」。

{{hket:inline-image name="174508271_287153422956163_4995285008892073235_n.jpg"}}{{/hket:inline-image}}

而爸爸羅子溢就留言：「一年前，爸爸媽媽的世界因妳而轉變，一年後，你已握着小拳頭哈哈大笑一飛沖天，爸爸媽媽祝妳永遠健康快樂，在往後的日子，願妳繼續展翅高飛，越飛越高❤️❤️❤️寶貝，生日快樂❤️❤️❤️」。楊茜堯仲話小珍珠喺滿一歲呢日第一次食蛋糕，睇嚟佢哋都好小心注意呢個心肝椗平日接觸到啲咩呀！

二人罕有Post出一家三口嘅正面合照，楊茜堯嘅身形喺一年後嘅今日已經完全回復番「做女」時嘅狀態，弗到漏呀！不過最爆笑嘅都係楊茜堯家姐楊卓娜Post出嘅「姨媽視角」，唔知係咪因為疫情關係唔多見面，一由爸爸過手去姨媽度小珍珠就立即爆喊，楊卓娜留言：「一眨眼，小珍珠就一歲生日啦！為咗影張生日相，不惜一切強搶民女，佢喊我又喊！好彩我都係熟手技工, 好快就令佢轉哭為笑！」楊卓娜仲Post埋佢一家人嘅大合照，兩位囡囡同老公都喺度，小珍珠嘅成長環境真係充滿愛呀！

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】