黃曉明過度急促減肥現嚴重後遺 古天樂極端瘦身減3日減20磅

內地小生黃曉明上年拍綜藝節目時被指肥腫難分，靚仔樣唔見晒，而一向敬業嘅佢就因為拍戲角色需要而減肥，唔少粉絲都大讚「男神歸位」。不過近日他接受專訪表示身體因為過度減肥出問題，後遺症逐漸浮現，令人非常擔心呀！

{{hket:inline-image name="001T5e8Ply1gob7jniyzij60ku112wzu02.jpg"}}{{/hket:inline-image}}

黃曉明接拍電影《戴假髮的人》，佢曾爆導演要求佢減走15KG（約33磅），為短時間內達標，佢用斷食療法急減，雖然睇落好似靚仔番晒，但細看佢嘅髮際線後退，仲因為臉頰凹陷同黑眼圈，令面容變的十分憔悴。導演董越去年都發文，指拍戲時黃曉明數次因心絞痛、熬夜、節食趴喺道具上休息，臉色慘白咁問導演可唔可以休息一下，令董越好心痛，同時都感謝佢為作品嘅付出。

而黃曉明近日受訪，亦有同提起佢出現嘅後遺症：「就是腸胃有點不太適應，然後也會偶爾心悸」，並呼籲大家唔好仿傚佢快速瘦身，將身體搞壞。見此，唔少粉絲都好心痛留言：「身體最重要！工作不應該以犧牲自己健康為準，這也不值得讚揚」、「大帥哥要注意身體啊！」。

(↓點擊圖片放大↓)

明星風光背後，往往都付出咗唔少時間同心血去建立自己嘅事業，除咗黃曉明之，都有男星曾經為拍戲過度減肥。古天樂喺《竊聽風雲》飾演「楊真」時需要增肥30磅，但去到劇情後期又患上癌症急劇消瘦，所以要極速減肥。古仔不吃只喝，每6個鐘就跑步2個鐘，連續做3日，結果減咗20磅，佢當時坦言冇死已經算好彩，不過其實導演要求佢減30磅，所以正確嚟講未達標，難怪古仔當時覺得導演想整蠱佢。

(↓點擊圖片放大↓)

張家輝為拍電影《激戰》大半年時間日練夜練，先由增磅開始。因為家輝身形向來瘦削，需要增加肌肉先有肉可練，當時嘅「飲食生活」都相當刻苦。初時戒盡鹽、油、糖、澱粉質，白烚雞肉、魚，食唔落都要食。中段開始日食2、30隻雞蛋白以增加體內蛋白質，差唔多去到拍攝前要淨食3日白飯，菜和肉都冇，就係白飯，靠澱粉質令肌肉膨脹。去到最後階段要脫水，飲水只能嘴角輕輕沾下，要收出線條，更因為咁令佢屙血尿，非常傷身！