Stephen•傾｜花姐為保命仔嚴禁大家嗌真名 當年靠一位天王入無綫打工

陳志雲在Youtube頻道開設的《Stephen·傾》的新節目《尋》，首集請來一手捧紅姜濤、MIRROR及ERROR的星級監製兼經理人花姐黃慧君擔任嘉賓。

花姐說：「唔可以叫我慧君㗎，已經好耐冇人叫我黃慧君，因為當年睇相，相士話個君字唔利我，會死於非命，所以，包括父母都唔會再叫我慧君，通常都會叫阿花。」稱「阿花」不是花名，其英文名叫Ahfa，「當年喺無綫冇人識讀，所以就阿花、阿花咁叫我，叫到而家。」

{{hket:inline-image name="01.jpg"}}{{/hket:inline-image}}

花姐捧紅姜濤、MIRROR、ERROR成為金牌經經理，自己也變了大紅人。（圖片：網上截圖）

{{hket:inline-image name="02.jpg"}}{{/hket:inline-image}}

陳志雲都要搵花姐做節目頭炮的訪問嘉賓。（圖片：網上截圖）

193敢言反擊爆紅｜ 曾志偉生日避談風波與老友慶祝 無綫FB出漫畫自抽嘲高層身高 【下一頁】

花姐在TVB出身，在ViuTV工作比起TVB時快樂，指在TVB時，在框架中工作，到後來跳出外闖才發覺自己是井底之蛙，「以為自己識得好多嘢，出到外面就知死嘞，原來自己乜嘢都唔識，所以，好慶幸自己有出嚟睇下呢個世界。」

花姐亦飲水思源，在TVB時跟過不少好導演學習，當中有林嘉欣的老公袁劍偉，教她做人不要氣餒，要積極，教她製作上要留意的地方，例如打燈的重要性和拍攝角度等。

花姐誤打誤撞加入娛樂圈，當年讀完中七去了廣告公司做暑假工，因為A-Level成績不好，一時之氣決定離開學校，留在廣告公司做PA。其實花姐當年是想做社工，志雲笑她做經理人，湊住MIRROR 與社工無異，花姐笑言：「其實我想被人輔導多一啲。」

（ ↓ 點擊圖片放大 花姐做志雲節目星級嘉賓 ↓ ）

之後花姐睇報紙得悉TVB招聘毋須經驗和學歷的剪接員，便糊里糊塗去見工，當日負責面試的是金廣誠。入到房，見金先生傾了45分鐘電話，他收線第一句便問花姐：「你有冇偶像？」她答：「有，我鍾意劉德華…...」金生即叫她離開......

花姐以為面試失敗就，志雲笑言：「你嗰時以為講劉德華係一種罪？」花姐說：「我唔知呀 ! 不過，我由清水灣搭車返坪石中途已經收到電話叫我第二日返工。」當日面試剪接員工作，但正式返工職位就變成PA，志雲笑謂：「你冇諗過咁大間公司咁求其呢 ? 佢哋都係咁求其請咗我咋 ! 」

花姐至今都不明為何答「劉德華」便請了她，志雲說劉德華是花姐生命的鑰匙，不過，現今要改答「姜濤」才行。

花姐稱當年離開TVB也是為啖氣，「當時剛剛轉咗去《勁歌金曲》做監製，我脾氣好差，又啱啱升職，覺得自己好叻，就同老細嗌交，跟住就走咗。」她轉戰做演唱會導演，出到外面世界才知自己見識少，有很多不足。做演唱會要經常走埠，當時她有了BB，老公希望她找一份穩定工作，結果金廣城介紹她到NOW TV，即現在的ViuTV。

（ ↓ 點擊圖片放大 ↓ ）

另外，花姐在剛過去周五晚的遊戲節目《考有FEEL》即興玩埋一份，在MIRROR和ERROR玩《瘋味》環節時嚐怪味雪條 ; 她和節目監製九叔一齊落場，花姐笑言：「我食慣好嘢 ! 」她咬了一啖雪條，便猜中是用臘腸來製造，果然是食家，更抵死向九叔說：「ViuTV真係好唔掂，要靠我哋做嘉賓，你個節目收視係咪好低？」九叔說：「邊夠你啲高呀......」

（ ↓ 點擊圖片放大 花姐入《考有FEEL》助收視 ↓ ）

撰文：衛紫敏

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

肥媽因疫情封關禁飛一年多 被爆沙巴4千呎豪宅遭斷電斷水 【下一頁】