《聲夢傳奇》｜周柏豪重提被《櫻花樹下》考起 蔡愷穎得4分被foul專心考DSE

無綫音樂選秀節目《聲夢傳奇》昨晚播出第2集，冼靖峰、炎明熹、黃奕斌、文凱婷、林君蓮、孫漢霖、林芷羿及蔡愷穎8位學員陸續出場，並有一位被淘汰。

首先由冼靖峰打頭陣，他唱出張敬軒的歌曲《櫻花樹下》。之後李克勤問佢覺得自己唱成點，佢指：「我覺得唔係好穩定。」導師周柏豪也表示曾被該曲考起，「呢首歌曾經都考起過我，當時（指8年前演唱會）同軒仔合唱嘅時候，軒仔叫我將難唱嘅畀晒佢唱，因為首歌係屬於佢。佢話嚟（演唱會）係減輕我壓力，但係結果反而增加咗我唔少壓力！」

{{hket:inline-image name="2.png"}}{{/hket:inline-image}}

周柏豪重提八年前在其演唱會上與張敬軒合唱《櫻花樹下》一事，其實這事曾被網民多次回帶，取笑當時周柏豪被嘉賓張敬軒比下去！

（ ↓ 點擊圖片放大 ↓ ）

被指是大熱的炎明熹緊接冼靖峰出場，唱《永不失聯的愛》有少許失準，被泳兒直批: 「你個key set得太高﹗」最終她獲19分。

{{hket:inline-image name="9.png"}}{{/hket:inline-image}}

文凱婷揀唱歌曲《木紋》，不過表現失準，監製張佳添指佢完全get唔到文凱婷唱咩，話佢揀錯歌，「背負唔到呢首歌嘅內容。」最後得5分，並取替上集最低分數的潘靜文進入危險區。

{{hket:inline-image name="08.png"}}{{/hket:inline-image}}

{{hket:inline-image name="07.png"}}{{/hket:inline-image}}

不過當文凱婷以為自己應是最低分的時候，最後出場的蔡愷穎演唱《心之科學》表現亦失準及走音，在比賽時甩皮帶，未知是否因此影響表現。導師李克勤說：「同樣問題，第一晚比賽就已經揀一首前面好低，後面好激烈，需要力量去唱的歌，大家都好想聽那句『陰森詭秘』，到底有幾陰森，而且有沒有做到，第一次過到關，第二次就好明顯無做到，會唔會係因為你顧住整皮帶而令你分心呢？」

製作人舒文亦形容她揀呢首歌係「打大佬」、太進取。最後她以4分成為首個被Foul學員，其他學員都十分不捨，有些更激動落淚，蔡愷穎反過來安慰他們。她又直言揀錯歌，但會吸收經驗，不會放棄唱歌。

（ ↓ 點擊圖片放大 ↓ ）

蔡愷穎之後在社交網撰文，指自己參賽8個月以來認識了一班好好的戰友，並感謝父母、工作人員及李克勤的支持。屬今屆DSE考生的她更言不會放棄唱歌，會先努力應付中學文憑試：「雖然第一場比賽就因為種種原因而失準，但呢次經驗將會係我一次好重要嘅經驗，嚟緊我絕對唔會放棄唱歌，會繼續努力前行，就算冇得再上聲夢舞台，我都會繼續唱歌，堅持做我自己鍾意嘅事。真係好感謝大家嘅支持，亦希望大家會繼續支持我，我DSE會加油，一星期後就開考啦。」

{{hket:inline-image name="42545.png"}}{{/hket:inline-image}}

導師周柏豪在其IG留言鼓勵她：「喜歡你的態度和精神，好好利用這力量，你的人生一定很精彩，加油！」

重溫周柏豪八年前在其演唱會與張敬軒合唱《櫻花樹下》片段：

{{hket:youtube id="5OZAh5R9Ub8"}}{{/hket:youtube}}