Staycation｜袁偉豪裸浸疑露「大麻鷹」兄弟起哄 張寶兒被指眼神兇惡全因老公？

袁偉豪和太太張寶兒婚後如膠似漆，十分恩愛。日前兩人到5星級酒店Staycation歎世界，當然不忘互為對方影相啦！張寶兒喺IG曬老公為佢操刀影嘅性感相，相中佢著低胸衫大曬事業線。而袁偉豪就大曬浸浴照，更惹來露「鵰」疑雲！

{{hket:inline-image name="132312609_2521561421470175_3857623277256397971_n.jpg"}}{{/hket:inline-image}}

相中的袁偉豪一邊浸浴，一邊俯瞰維港景色，相當休閒。他留言表示春季潮濕的天氣導致身心常有一種沉悶的狀態，指浸泡溫水有助放鬆身心：「坐下來讓溫水浸泡一吓身體，能舒筋活樂（絡），有助肌肉放鬆，心靈也能得到片刻的寧靜，休息過後能加大力度在春季裏實踐你的個人的大計。所謂：一年之計在於春；一日之計在於晨。」

袁偉豪這張露背浸浴照引來不少網友留言，更惹來露「鵰」疑雲！有網友留言跪求正面照，佢嘅藝人好友如陳山聰留言：「我見到一隻大麻鷹。」袁偉豪回覆：「你呢排開工開到有幻覺呀？跑步啦你！」楊潮凱笑指：「呢幅係咪傳說中：『雄鷹展翅氣吞天下圖』？」而黃建東則留言：「對著維港的巨龍」袁偉豪回覆他：「心中有龍。」而林子善則要求一齊浸浴：「大佬，又話同我一齊浸，你留返少少位畀我得唔得？」

（↓點擊圖片放大↓）

另一邊廂佢老婆張寶兒就post出多張性感相，獲網民派心畀like。不過有人就留言指她的眼神兇狠，林子善留言問：「阿嫂做咩咁凶（兇）狠！係咪我兄弟激嬲你？」亦有網民留言：「以前好鍾意你，但而家睇你會好攰。感覺而家嘅張寶兒簡單複雜化了，近年你影相嘅眼神好惡好兇無感情。」張寶兒回覆該名網友，指會改善：「的確有道理，袁生也常說我眼神兇，可能對他對得多（說笑）等我嘗試柔和一下！」不過2小時她又post了數張大頭照，留言指：「你再說一次，還兇狠嗎？你說！」

（↓點擊圖片放大↓）

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】