諸朋好友│張玉珊由$8800賺50萬KO向華勝 幫欣宜減100磅因心痛想放棄

由崔建邦及張秀文主持的節目《諸朋好友》，上周六（17日）第二集繼續播出張玉珊、蘇永康擔任嘉賓的訪問，張玉珊大爆跟前男友向華勝昔日相處的趣事，令她留下很深刻的印象；蘇永康重提當年在台灣涉毒事件，認為做人不可以逃避，感恩任賢齊及黃柏高等支持。

{{hket:inline-image name="screenshot0419103.jpg"}}{{/hket:inline-image}}

{{hket:inline-image name="1024_033fbd19dba3012dc22c5473a7de99ef.jpg"}}{{/hket:inline-image}}

諸朋好友｜46歲張玉珊衝事業至今仍單身 蘇永康主動做媒撮合姻緣嗌尷尬【下一頁】

張玉珊稱，當年中醫師給她食用的產品需要訂貨一個月，覺得對方動作太慢，於是隨口提出由她去做代理的建議，她說：「買咗張1000元嘅枱，然後買咗間7800元嘅公司，我係8800元去做我第一次生意，搵助手幫我去寫訂單。我記得當時我男朋友喺隔離，覺得『吓﹗你做生意？』覺得你係細路女，睇唔起你，覺得無可能。（當時男友即係向生？）係，係﹗（佢當時點講？）佢好驚訝我做生意，佢覺得我比較細個，好記得佢當時表情，對我嚟講印象幾深，好少佢會鄙視你，男朋友唔會咁做，佢真係有種鄙視你嘅表情！」

張玉珊指生意開始沒多久，有一日助手拿了兩個大紙袋回來，裡面大約有50萬元現金，她興奮笑說：「好記得當時男友個樣真係『下巴跌咗落地』，佢無諗過咁。（有否不開心外界認為當年成功歸功於男友？）無，無乜嘢所謂！當時同佢一齊，無乜嘢需要去諗呢個問題，又唔需要向人去證明我係點，我自己可以證明我係乜嘢人﹗」

提到最經典找鄭欣宜做纖體代言人，張玉珊指欣宜當年很想參加一個畢業舞會，於是開始減肥的計劃，但中間過程反而令她想放棄，「佢好叻，減咗100磅，但係佢其實好辛苦。有次她返加拿大前住喺我美國屋企，有晚朋友喺度BBQ，準備咗很多肉，佢突然間有一下爆咗，掉晒我哋啲嘢，之後就喊。嗰下有少少震撼咗我，我無諗過有嘢食喺佢面前，要忍住原來咁辛苦，好似我哋著唔到靚衫一樣；嗰陣自己開始反省，佢啱唔啱減肥？後尾有次開會，佢又爆喊，我同佢、同陳淑芬講，不如唔好減住。」

【仙氣不減】張玉珊45歲生日姊妹齊慶祝 曾幫欣宜年減百磅締造最瘦巔峰【下一頁】

主持人崔建邦在人生上曾經經歷過低潮，亦趁機會請教蘇永康如何重新站起來，皆因後者於2002年在台灣因涉毒被判入看守所觀察勒戒。蘇永康表示：「首先你犯咗錯，必須要承認呢個錯誤，唔好逃避法律或者任何責任。我當時喺台灣，無引渡條例，其實我可以唔返去，但如果我唔返去，我下半生點去面對自己呢？咁就返去處理，心安理得。我睇事情一向負面，汲取咗嗰次教訓之後，每件事我會睇光明面，原來真係有好多人錫我，好多人會發聲支持，或者私下支持。」

（↓點擊圖片放大↓）

蘇永康坦言當日跌入低潮狀態時，有很多人沒有放棄他，包括任賢齊、黃柏高及台灣唱片公司老闆李亞明等，做了很多額外事情去幫他，所以他一直以來感恩有很多伯樂及好朋友。

撰文：梁榮達

開心大綜藝│C君扮方東昇惡搞《尋人記》 王祖藍認「最災難藝人」退出節目【下一頁】

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】