師父有請丨黎諾懿做「奧運六星」不得志險退隱 麥玲玲與夫「各自為政」婚姻暗湧？

由邵氏兄弟製作的《Master's Talk師父有請》第11集，主持麥玲玲和林盛斌（Bob）邀請黎諾懿和陳敏之做嘉賓，大談「驛馬」這個主題。麥玲玲表示娛樂圈有不少藝人離開香港發展後才紅起來，包括劉愷威、陳偉霆、陳浩文、鄧紫棋等等。

麥玲玲憶起諾懿當年事業低潮期，正是在接到湖南衛視的《舞動奇蹟》後，回港才接到《愛‧回家》的劇集工作。敏之就大讚諾懿是舞王，當年在比賽得到第一名，諾懿笑言：「我都唔知自己原來有咁嘅才華，（即場表演？）你當我舞男呀？話跳就跳！不過如果講番7至8年前留喺當地發展，可能港普會好好多，識番個女仔發展一下……（點解返香港？）因為我太愛TVB喇，坦白講，都唔係一個咩秘密。其實《舞動》係一個劈炮宣言，娛樂圈浮浮沉沉咁耐，作為男人要為屋企負番責任。我本身係做銀行會計，諗住做完《舞動》呢個騷就算，因為節目畀嚿錢都幾大，完全無心插柳，我唔識跳舞，上去做乜鬼。點知湖南衛視大改革，其中兩位係我粉絲，叫我上去跳4集。」

{{hket:inline-image name="_DSC3040.JPG"}}{{/hket:inline-image}}

黎諾懿表示幸運遇上拍檔金晨，對方剛由北京舞蹈學院畢業，跟他組成「一諾千金」組合；敏之就笑他是「一落千金」，諾懿說：「你唔好理個名，雖然個名唔係咁老嚟，不過物極必反，冇理由一世黑。跳4集遇到好拍檔，一路殺落去，最後11集先完。（唔留低發展？）當時年少，覺得邊度跌低就邊度起身，有啲唔甘心。」黎諾懿入行17年，於2002年無綫訓練班畢業不久，即在劇集《當四葉草碰上劍尖時》中擔任男一；之後跟林峯、吳卓羲、黃宗澤、馬國明、陳鍵鋒被公司力捧為「奧運六星」，但就遭狠批，指他不配做其中一粒星，隨後更被掟入兒童節目組再培訓；在2009年打後的2、3年事業受挫，鬱鬱不歡。

{{hket:inline-image name="_DSC3338.JPG"}}{{/hket:inline-image}}

至於陳敏之曾獲賞識，更到日本拜小室哲哉為師，可惜最終未能如願在日本發展，敏之說：「佢間公司突然營運有問題，其實冇諗過去日本發展，純粹諗住可以喺香港出碟。我又覺得冇蝕底到，賺咗經驗，當時公司對我哋好好，好nice，安排好多訓練畀我哋。」

麥玲玲形容黎諾懿有個美人啄，正所謂「金雞啄印堂，少年走茫茫」，麥玲玲稱這類人15到18歲必須離開出生地方，適宜走動。黎諾懿指自己拍《舞動奇蹟》時曾離港8個月，當時在內地工作居住或飲食條件較差，但都可以接受，他說：「試過去北京機場附近一間賓館，零下四度，個浴室只得1分鐘熱水，沖完涼成個人醒晒！」他憶起曾經在橫店請人代洗衣物，沒想到出車時見到酒店的姐姐在河邊洗衫，「條河好污糟，自此之後真係驚咗，以後自己洗，所以試過以前平平哋，同演員夾份買洗衣機，自己駁喉，喺浴缸做排水位。」而敏之就表示曾在懷柔拍劇，當時的居住環境非常惡劣；於是她發揮女生愛購物的精神，與女演員們一齊購物，買來嬰兒用的軟墊墊地，又買海報貼牆，將酒店改造成主題套房一樣。

{{hket:inline-image name="_DSC3099.JPG"}}{{/hket:inline-image}}

被問到有否試過發展異地戀？Bob馬上問諾懿有否追過金晨，諾懿說：「佢太細個，當時得18歲，你當我禽獸呀？我唔係呢啲咁嘅人！我試過台灣異地戀……」敏之立即稱知道是誰，Bob即時追問，但敏之就著諾懿親自回答，諾懿笑言：「林志玲呀嘛！所有嘢都好完美，但佢唔舒服都得個電話，我接受唔到。我唔係黐身，但想拎樣嘢畀你都唔得！講個電話又要夾時間，長期要買機票，所以只係維持咗半年時間。」敏之則試過另一半是在加拿大生活，有時發燒留言給對方，由於時差關係，對方醒來傳短訊慰問之時，她已經康復了，最終戀情維持4年時間後分手。

（↓點擊放大睇圖片↓）

由於疫情的關係未能四圍飛，被問到解封後他們最想去的地方，諾懿稱鍾意日本，近年跟家人追求自駕遊去不同鄉村體驗生活，「好有人情味，啲婆婆煮個飯都好好食，四圍闖蕩，住民宿或者溫泉旅館，好正。」至於敏之則喜歡熱帶國家，例如馬來西亞、泰國等地。

麥玲玲就爆跟丈夫去旅行會分開玩，令Bob同兩位嘉賓都大吃一驚，麥玲玲說：「當年男人去日本一定去秋葉原，我就最怕睇電器，咪約一個時間喺一個地方等，一齊食飯。」諾懿稱既然如此倒不如分開去旅行，或者只相約機場見等等，麥玲玲則說：「你哋思想咁落後，我尊重人自由，亦唔會逼自己去睇佢鍾意嘅嘢。香港都一樣，我哋去睇戲，一齊入戲院，不過睇兩套唔同嘅戲，因為佢鍾意睇打仗，佢又唔會鍾意睇愛情戲。我哋屋企都係分開睇電視，大家睇唔同嘢。」這個習慣令現場幾位都O晒嘴，諾懿說：「咁都得？咁你老公好愛你！」麥玲玲就回答：「錯，係我好愛佢先啱，男人其實好獨立唔太需要人陪，我唔鍾意逼人就我。」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】