志雲頻道 【尋】︳花姐成功捧紅姜濤認一定有偏心曾經請辭 為責任連夢想都冇埋

ViuTV金牌監製花姐黃慧君，獲陳志雲邀請上其Youtube節目《尋》，擔任嘉賓。《全民造星》系列令到不少對娛樂圈有憧憬的人，達成星之夢；花姐可說是圓夢者，為人實現夢想，可惜，偏偏未能為自己圓夢。

{{hket:inline-image name="27.jpg"}}{{/hket:inline-image}}

《全民造星》成功捧紅MIRROR，是花姐這位亦金牌監製兼經理人的代表作。（花姐IG） 

{{hket:inline-image name="14.jpg"}}{{/hket:inline-image}}

陳志雲Youtube節目《尋》，一連三集有花姐擔任訪問嘉賓。（網上截圖） 

Stephen•傾｜花姐為保命仔嚴禁大家嗌真名 當年靠一位天王入無綫打工 【下一頁】

節目中花姐稱，小時候夢想是做超市收銀員，後來她沒有做電視台監製後，真的去了當便利店員工，起初不覺有問題，「本來幾開心，但有一日我喺度執貨，有個人行埋問我『花姐？你仲乜嘢喺度？』當時我著住件制服，唔知點解覺得好尷尬，就扮冷靜答佢『你認錯人』……我走咗去，嗰刻先知原來我過唔到自己，即係收銀員唔係我夢想嚟。」

計劃往往趕不上變化，花姐想和老公環遊世界，本來計劃拍完第一輯《全民造星》，便可以和老公遊北半球，可惜事與願遺，「唔知好彩定唔好彩，完咗《全民造星》就做咗經理人，又實行唔到。」志雲指花姐能幫人圓夢，卻未能為自己圓夢，花姐坦言因此事而不開心，甚至有辭職的想法，「我做完第一年經理人，有同老細講要辭職，我真係唔想做！覺得呢份工唔啱我，我好想走，但上咗船又走唔到，所以，而家冇再諗自己鍾唔鍾意份工，反而係一種責任令我做落去，希望熬得住，又未死啦……做經理人真係好難呀！」

（↓點擊放大睇圖片↓）

花姐強項除了製作綜藝真人騷，其實她對拍劇亦有興趣，開始寫劇本，但因工作太忙而遲遲未能完成，「太忙太亂，冇機會靜落嚟坐喺到寫，有佢哋（MIRROR同ERROR）喺度，好多自己想做嘅嘢都做唔到；我好愛MIRROR、ERROR，唔捨得放低佢哋。朋友睇到我IG，會發覺我好失衡（全是工作照片），好彩我性格好快會冇事。」

MIRROR同ERROR共16人，個個是大男孩，偶有爭風吃醋的事情發生，花姐沒有指明是誰，「係有發生過，我自己諗係咪我做得唔好令人誤會？咁人一定有偏心係咪？偏心會放喺心入面。我做16個Artist嘅經理人，有聽過人話點解偏心嗰個人、畀咁多機會佢……我會儘量令件事平衡啲，會解釋番點解會畀佢多啲機會……喺工作上我唔希望到有不公平發生。」

{{hket:inline-image name="30.jpg"}}{{/hket:inline-image}}

至於可會有第四輯《全民造星》？花組指公司當然希望繼續有，但對她來說要給觀眾新鮮感並不容易，亦擔心沒有人來參賽，「香港究竟仲有冇咁多參賽者落疊畀我玩？大家睇咗咁多輯之後，都會有心理障礙，仲會唔會有人願意將自己咁真實一面呈現畀觀眾睇？」她表示正構思一個新節目，但未知會否成事。

（↓點擊放大睇圖片↓）

撰文：衛紫敏

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

圈中書法熱︳天王嫂方媛曬老公書法作品 郭富城唔揸戰車改揸毛筆練情操 【下一頁】