Bob嫂惡搞陳自瑤黑面勁好戲 林盛斌：老婆都係客串下

「扮嘢王」林盛斌（Bob）前晚在無綫節目《開心大綜藝》上曬腩扮郭富城，卻被取笑似足阿叻陳百祥；之後Bob又惡搞王浩信在台慶頒獎禮上致謝ｂ辭，Bob嫂黃乙頤（Pearl）不但粉墨登場，更「神還原」陳自瑤（YoYo）的經典黑面表情，有不少網民激讚Bob嫂是好戲之人。

前晚Bob在節目中戴上螢光粉紅假髮扮「肥版郭富城」賣力跳唱，不過被嘲笑似阿叻多過似城城，Bob昨日在社交網留言︰「即係咁嘅，其實我係扮城城，但係好多留言話係似……叻哥。大家話喇，似邊個多啲？」胡定欣留言︰「眼神係叻哥，肚腩係你自己。」林穎彤則謂︰「城城，張如城。」

另外，在節目新加入的「關公災難頒獎禮」環節上，Bob獲得「關公災難」金獎，他重演王浩信在《萬千星輝頒獎典禮2020》上奪視帝時，陳自瑤在台下黑面的經典場面，Bob更抄足王浩信的致謝辭︰「我要多謝太太Pearl，佢將屋企照顧得特別好，令我可以努力工作。」鏡頭即轉向台下的Bob嫂，畫面中的她全程木無表情似足YoYo，黑面表情維持接近一分鐘，忍笑功夫一流，不少網民大讚Bob嫂好戲，是「被主婦耽誤的演員」。

感恩觀眾睇得開心

事後，Bob嫂將自己的黑面「傑作」上載到社交網並留言︰「收到好多朋友嘅WhatsApp同PM（私訊），部分人仲話我好適合做戲，真係非常之多謝大家嘅，不過我其實係無交戲，我只係做番我平時黑佢（Bob）面嗰個樣。」Bob昨日回覆本報時笑說：「佢（太太）都係客串下啫！」對於被指扮相似阿叻，Bob則笑說︰「其實似邊個都無所謂嘅，最緊要大家睇得開心，今日（昨日）出街做嘢嘅時候，都有好多人同我講話佢哋覺得我跳舞跳得好搞笑，睇得好開心，呢樣係最感恩嘅。」

撰文︰Pat

採訪：Pauline

攝影（部分）︰林良明

美術︰梁政敏