鄭伊健耕田當做運動

鄭伊健與經理人林珊珊、珊珊女兒西瓜（李澄）及野人（李怡），最近為珊珊的網上頻道拍片，四人落田做一日農夫，體驗農夫及鄉郊生活。原來伊健耕田經驗豐富：「我試過好多次同住新界嘅朋友一齊落田耕種，但珊珊佢哋應該係第一次，所以會問一啲意想不到嘅問題。」他笑言身為城市人，可以間中落田耕種郁動一下：「間中去郊外拎下鋤頭，好過成日坐喺度。耕種嚴格嚟講都係一種運動，不過係最輕鬆嘅運動，我覺得一啲都唔辛苦，有時間係應該多啲到郊外耕種。」

首次落田的珊珊已愛上做農夫：「之前一直好期待，到現場勞動咗一日，就更加想租一塊田嚟耕種。」自言嬌生慣養、怕蟲又怕濕的西瓜，竟然非常享受耕種生活，相當難得。