【聲明】港生活網站並無進行電話推廣活動

屋企練聲扮丁蟹 洪永城︰鄰居誤會我家暴

發佈時間: 2021/04/20

洪永城昨日參加無綫配音真人騷《好聲好戲》,他在節目中要聲演鄭少秋在《大時代》的丁蟹一角,所以在家中落力嗌爆練習,誰知竟被鄰居誤會家暴,似乎配得十分逼真。不過洪永城自嘲無配音天份,專心做演員更好。

洪永城、楊潮凱及郭子豪等昨日錄影阮兆祥及賴慰玲主持的《好聲好戲》。洪永城要聲演經典角色丁蟹,由於模仿對方說話時聲嘶力竭,所以要在家中苦練。他笑說︰「喺屋企閂窗閂門練都無用,啲聲連隔籬屋都聽到,有次鄰居仲以為我屋企家暴,撳門鐘問我係咪要報警!不過練聲一定要真實,就住就住會練唔到,我練到差啲想好似丁蟹咁,想掟幾個人落街!」

洪永城坦言試過後發現配音極難,他自問無天份︰「配音要跟足方法,就算咪嘴同練聲都要有技巧,我自問層次太低啦,都係返去演戲。」不過他仍想挑戰高難度︰「其實有好多角色我都好想試,好似羅嘉良喺《難兄難弟》嘅呂奇咁,把聲其實有難度,我知道要做好一個配音員,都會被挑剔得好嚴謹,但係挑剔反而令自己會做得更加好,會用更加積極嘅態度虛心學習。」

做監製有壓力

另外,洪永城即將為新劇《凶宅清潔師》做監製及男主角,第一次做監製的他坦言相當困難,幸好有經驗豐富的監製盧思麟傍實。至於揀演員的重任,洪永城表示交回盧思麟負責,他暫時得知鄭俊弘和傅嘉莉有份演出。

採訪︰Pauline

美術︰梁政敏

屋企練聲扮丁蟹 洪永城︰鄰居誤會我家暴

擔任星級評判的汪明荃(左一),開心跟楊潮凱、洪永城及郭子豪selfie。