林夏薇恨演韓劇壞女人

林夏薇（薇薇）昨日為節目《好聲好戲》擔任打氣評判團，為參賽者打氣，問到為何不參賽？她笑言名額已滿，今次抱學習心態來向配音前輩偷師︰「我試過聲演動畫嘅小男孩，有時拍劇要為自己配音，都已經好難，如果要配喊戲，仲要重新喊多次！」問她想聲演甚麼角色？她說︰「想配小女孩，我唔係專業，揀番同自己聲綫比較接近嘅角色好啲。我都想聲演韓劇，尤其係壞女人同奸角。」

薇薇因疫情關係，至今仍未見過堂兄林峯的B女，她希望可以盡快通關︰「我哋有視像傾偈，之前買落啲衫仔想寄畀佢，但寄唔到，最怕size唔啱。（留番自己將來嘅BB？）個款會過時喎！」