抗癌歌手︳ 李明蔚病情反覆打嗎啡止痛 轉送療養院：上天自有安排！

31歲的「抗癌鬥士」李明蔚於9年前患上罕見癌症「鼻咽腺樣囊性癌」，多年來以樂觀正面態度去接受治療，其勇敢抗癌經歷感動不少網民。而明蔚近日病情每況愈下，之前出現肚積水問題仍然未止，已經留院多天；她今日在Facebook發文表示：「再次入院了5天，因為主要抽腹水減少肚脹，也因為不夠氧氣導致呼吸、㖔嚥困難，所以要長期吸氧氣！」

{{hket:inline-image name="29.jpg"}}{{/hket:inline-image}}

努力對抗癌魔的李明蔚，近日病情不太樂觀。（圖片 : 李明蔚FB）

看到病情未見好轉，身體的痛楚已不能單憑止痛藥可以解決，明蔚Facebook寫著：「身體狀況再一步下降，心情複雜，加上痛楚，醫生終於開了嗎咖水給我！只可吞流質食物！現在醫生轉送我到療養院看情況！很想可以舒服起來可以回家！知道大家很擔心和支持我，我相信上天自有安排！感謝大家！」

{{hket:inline-image name="22.jpg"}}{{/hket:inline-image}}

李明蔚今日出Po描述身體狀況。（圖片 : 李明蔚FB）

李明蔚肝腫瘤擴散出現肚積水奮力9年抗癌：說真的無悔了 【下一頁】

明蔚上載的照片，她身在醫院的病房內，未有出鏡，拍下半邊病床。短短幾小時已有過千網民給明蔚留言打氣，一直視她如妹妹的馬浚偉留言：「你一直都好叻，好勁，要繼續啊！我哋仲有好多約會，Right？」謝安琪亦給予對方力量，「明蔚，你一直為大家帶來能量，一點都不容易，辛苦你了」

馬浚偉為了鼓勵明蔚，將推出的新碟《Steven’s Choice》中，特別翻唱了明蔚的歌曲《交換愛情》。今日歌曲第一日派台宣傳，馬浚偉說：「因為明蔚曾經講我知，佢好鍾意聽我唱呢首歌，所以我就特別為佢而翻唱呢首歌，送畀佢。希望透過呢首歌畀佢一個更大嘅祝福、鼓勵，去對抗病魔，希望喺佢有需要時，我嘅歌聲可以陪伴佢。」

（↓點擊放大睇圖片↓）

至於今日馬浚偉現身香港電台《同理．繼續傾》記者會，新節目將於5月3日起，周一至周五於晚上十時至十二時播出，作為主持的他請來好友兼資深DJ陳小芝，聯同彭詠儀、陳景鴻一齊拍檔。對於盛傳任港台高層，他笑言：「高咩層？要做港台嘅全職工作身分，除非有公務員合約先可以，對我嚟講係冇可能，我咪要放棄晒我嘅其他工作？但以兼任身分，係有傾過電視部嘅嘢，未成事嘅，只係傾咗有啲嘢可以做，唔排除任何合作空間。」

對於謠傳出任港台高層及TVB藝訓班校長，馬浚偉說：「其實咩職位有乜嘢所謂，正如我返無綫，話我係校長，唔通真係喺校長協會入面見到我個名咩！只係虛名嚟，冇意思嘅，我本身都係兩間嘅校長，亦係校監、老闆、CEO、拖地嗰個都係我，實質我係打雜先真！」

百足咁多爪的他，有舞台劇、電影工作在身，再加電台及TVB，「時間管理達人」馬浚偉承認自己很會善用時間，亦享受工作樂趣。他指TVB的藝訓班下星期正式面試，於1,800名參加者中再篩選，之後進行兩次面試，選30人入藝訓班；「校長」說：「將自己28年喺無綫學到嘅嘢，教晒畀一班後生仔！」

（↓點擊放大睇圖片↓）

撰文：衛紫敏

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

麥明詩疑再度入巿細屋轉大屋 龍床盤僅賺9.1萬 新買家竟然係... 【下一頁】