下月5日設靈│黃樹棠兒子凌晨發文悼念亡父 「點解對眼好似閂唔到個水喉」

資深演員黃樹棠日前不敵肺癌離世，終年77歲，其任職配音員的兒子黃榮璋於4月10日凌晨向外公布爸爸死訊，內文盡顯依依不捨，他寫上：「爸爸，我愛你，我會乖，我會照顧好自己，你放心離去吧﹗」

黃榮璋幾日後在網上透露爸爸的身後事安排，稱黃樹棠喪禮定於5月5日假世界殯儀館設靈，晚上7時至9時設立公祭時間，讓有心人跟黃樹棠作最後告別。翌日黃樹棠靈柩會移奉火葬場火化，黃榮璋表明屆時會按爸爸的意願，不會進行任何儀式。

{{hket:inline-image name="173643717_2773897256196154_1300972714203661623_n.jpg"}}{{/hket:inline-image}}

{{hket:inline-image name="174195213_2777482039171009_915074712727260665_n.jpg"}}{{/hket:inline-image}}

《我和殭屍有個約會》求叔│黃樹棠不敵肺癌離世終年77歲 兒子黃榮璋：我會照顧好自己【下一頁】

黃榮璋今日（20日）凌晨在社交網上載他兒時的一家三口合照，並發長文悼念亡父，字裡行間勁「洋蔥」，令人越睇越替他心噏。黃榮璋表示：「唔知點解對眼好似閂唔到個水喉，我好似一路記返（番）起晒以前好開心嘅記憶，佢哋由細開始就好錫我。阿媽唯一一次揸住衣架想打我，追追吓都會變成一齊大笑好開心咁冇咗件事，阿爸係一個武功高強嘅人，佢實打過我？對唔住，係無（冇）！佢兩個錫到我燶……而家兩個都唔喺度喇。媽媽嘅事好不容易先可以放下……佢哋不約而同地喺走前都有提及離婚嘅事，對我嘅影響係最大，有點點對我抱歉。但係因為咁，我先有一個不一樣嘅童年，我而家想同你地（哋）講，你地（哋）對我好好唔需要內疚，我一樣都係幸福的！你哋兩個都係我最重要嘅人！教識我好多做人嘅道理。」

黃榮璋指他跟黃樹棠近十幾年是相依為命，感情似兩兄弟多過父子，是「你冇錢有我頂住、我冇錢有你頂住，出生入死」，就算他們平日有甚麼的拗撬，一定冇隔夜仇，他又言：「引用阿爸近年每日都會講嘅一句，我永遠都會記喺心，人唔需要貪心，要知足，『簡簡單單又一餐』，便足夠了！我好掛住你呀，爸爸！」

求叔3年前戰勝大腸癌│黃樹棠傳癌細胞入肺急送院病危 囝囝網上集氣 黃文慧：望大步檻過【下一頁】

黃樹棠（棠哥）入行多年，縱橫演藝界逾半世紀。動作演員出身的他，電影、電視與舞台劇也曾參與過。棠哥於1979年憑徐克執導的《蝶變》而知名度大增，其後加盟無綫，於鄭少秋版本的《楚留香》中飾演中原一點紅，又跟周潤發於《親情》飾演兩老表，後來因為加薪問題離巢。之後他轉投亞視，在經典劇集《我和殭屍有個約會》系列中飾演驅魔道長「何應求（求叔）」，成為他個人的代表作，亦因此多了「求叔」的稱號。

（↓點擊圖片放大↓）

棠哥3年前曾患上大腸癌，經手術後康復再投入工作，可是上月因氣喘入院，並發現癌細胞已入肺。親友曾為他集氣，望他能夠平安出院，可惜最終不敵癌症離世。黃榮璋透露父親以《楚留香》的歌詞：「來得安去也寫意，人生休說苦痛……千山我獨行不必相送」向大家道別，令親友們同感婉惜。

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】 

安息禮丨廖啟智無懼死亡惟不捨愛妻獨撐 「敏兒，我係諗住殿後，辛苦你喇」【下一頁】