智叔安息禮丨廖啟智囑播一家五口合唱《天家裏》 兩子吹口琴送別父親如泣如訴

資深演員廖啟智（智叔）不敵癌魔離世。今日（4.20）智叔家人於尖沙咀聖安德烈堂為他舉行安息禮，儀式下午二時許舉行，由於疫情關係，安息禮不設公祭，市民可於安息禮直播頻道同步追思，亦可於紀念網頁上發文悼念。

{{hket:inline-image name="14.JPG"}}{{/hket:inline-image}}

安息禮上，智叔2位兒子文哲、文信吹口琴奏出《友誼萬歲》送別父親，如泣如訴，一班教友包括劉美娟、張崇德、黃愷欣、杜燕歌、王祖藍等負責獻唱，智叔的白棺頂鋪滿白鮮花，現場氣氛既傷感且溫馨。

{{hket:inline-image name="25.JPG"}}{{/hket:inline-image}}

長子文哲跟大家分享他與爸爸的經歷，「智叔係一個好愛家人嘅人，佢係一個好愛我嘅爸爸，對我嘅愛係近乎『溺愛』程度。小學嘅時候，雖然佢一直好忙，但都會接送我放學。我升高小，就向智叔提出與同學仔自行放學，佢第一反應係應承，其實佢好擔心。原來佢幾次（畀我自行放學）由學校跟住我跟到返屋企，確保我平安。呢件事智叔之後同番我講，體現到佢好尊重我嘅決定，同時好關心我，暗中保護我。」

文哲續稱︰「我慢慢大個，同智叔關係唔係特別好，佢性格非常嚴守規律，同埋界線訂得好清晰；而我本身係一個比較隨性、我行我素嘅人，我哋差異越來越大。有一段時間好驚同佢相處，我有好多行為佢都非常不滿，佢都尊重我所有決定，都可能有少少責怪我；我有錯覺智叔係咪唔鍾意我？我覺得佢同我相處都好唔開心，所以大個之後關係唔太close。其實佢心底非常愛我，早幾年去澳洲讀書，每次放假返嚟佢都去機場接我，佢打從心底笑出嚟，非常掛住我。智叔呢個笑容令我覺得返到香港係有一個家，佢係非常愛我嘅爸爸。」

（點擊放大睇圖片）

細仔文信緊接哥哥，他表示一家人關係如朋友，在家中會叫爸爸做「智叔」，所以分享中以智叔稱呼爸爸。文信指自己近年開始涉足production的工作，爸爸在事業上幫助他不少，「我哋會喺屋企電視機，播我拍嘅片出嚟討論。智叔會喺製作上幫我，每次都畀好多寶貴意見。去到年頭佢開始入醫院，我搵咗啲勵志故事讀畀佢聽。」憶起爸爸仍不忘教導他如何「讀好故事」，結果成為父子之間新的溝通方式。

他們又會一家人圍讀《相約星期二》劇本，故事講述患病教授辦身前喪禮，因為不想身故後聽不到親友的心底話。智叔受到啟發，叫家人朋友錄下心底話，智叔看過之後知道很多人愛錫他。文信表示：「好感恩可以成為佢最後一個學生，想成為佢可以proud of嘅一個仔、一個學生。」

智叔太太陳敏兒說，2006年孻子文諾離世時，他們製作了一首歌《天家裏》，智叔非常思念文諾，他離世前每天仍會聽一次，亦囑咐親人一定要於他的安息禮上播放，「雖然真係唔係唱得幾好，但呢個係智叔嘅心意。」敏兒再次感激所有人對丈夫的關愛，令他再次「得獎」，智叔在世的「漂亮一仗」已經打完，期望他在天家於文諾相聚。

完成儀式後，文哲拿著爸爸的遺照，與媽媽及文信登上靈車。

圖片來源：截圖