被嘲40幾歲後生仔陸浩明唔介意

陸浩明（6號）、馮盈盈這對《#後生仔傾吓偈》主持組合昨日齊齊現身身活動搵真銀，早前193（郭嘉駿）@ERROR狠批無綫有節目「40幾歲人仲後生仔傾吓偈」，明寸將踏入42歲的6號。昨日他有備而來，揚言被寸也不介意。他笑言︰「多謝佢有留意節目，我喺節目個角色似球隊領隊，要有資深同有經驗嘅人去帶住，正如有網友話唔通兒童節目要搵小朋友主持咩！」

身旁的盈盈亦大讚好拍檔經常在節目中出手為其他年輕主持打圓場，是一個好前輩。盈盈直言︰「我哋經常衝口而出，好在有6號幫我哋兜。」另外，6號以往跟肥媽曾合作多輯《食平D》系列，對於近日無綫的「限廚令」，6號坦言工作未受影響，又認為電視台有不同類型節目實屬好事。