相隔8年再被整蠱 Bob救「火人總理」被讚心地好

由農夫的陸永、C君和艾粒的少爺占、當奴主持的無綫全新綜藝節目《大整蠱》前晚首播，打頭炮被整蠱的藝人包括薛家燕、黃美棋和何遠東，而林盛斌（Bob）繼13年在《玩嘢王》被一場假婚禮整蠱過之後，前晚他被包裝成高難度飄移和甩尾賽車籌款的節目所整蠱。大會邀請到兩位特技人扮演總理，港姐亞軍陳楨怡飄移後自稱不適，由Bob臨時頂上，不過特技人故意扮唔熟手，Bob嚇到全程面容扭曲，非常搞笑。

後來，兩位總理挑戰飄移保齡球比賽，其中一名總理的車輛突然冒煙，總理更因賽車着火而成為火人，Bob見狀即大叫報警，又叫人拿滅火筒，期間Bob見拍檔馮盈盈嚇到腳軟蹲低，即時將她移到安全地方，又除去西裝外套向「總理」身上撲火，臨危不亂。之後現場突然大放紙碎，又見到大大張Banner寫上︰「我真係整蠱你」，Bob呆足十幾秒才回神，得知被整蠱後即作狀追打眾主持，場面搞笑。事後有網民大讚「另一個角度睇，Bob心地好」、「Bob哥好男人！有guts」。