傳重返星夢 胡鴻鈞無意爭做一哥

胡鴻鈞昨天到新城電台接受訪問，並宣傳新歌，剛完成劇集《十月初五的月光》拍攝工作，目前先休息一段時間，四月底再拍攝時裝短劇，他說︰「有20幾日時間，依家先出新歌，呢段時間先準備圍讀，亦會寫歌。」

目前仍是自由身的胡鴻鈞，有消息指他將會重返「星夢」，被取笑返「星夢」是否做「一哥」？他說︰「依家仲溝通緊，等正式公布再同大家分享，（簽約前覺得爭啲乜？）係我衰，不過我唔係要爭做一哥，（係咪呢個名聲影響好大？）我覺得正所謂『哥前哥後三分險』，我都係做返自己嘅音樂。」胡鴻鈞表示最重要跟公司有共同理念，有消息指傳與他鬧翻的許廷鏗亦有機會重返「星夢」，胡鴻鈞表示︰「其實無所謂，呢啲亦都唔係我控制範圍，最重要一齊做好音樂，我好希望大家喺香港樂壇都搵到自己嘅方向，從來我都好welcome所有香港歌手，大家同一個家庭。」

此外，胡鴻鈞於電台大派刀削麵，他笑言這份禮物有話題，而且刀削麵亦是出道以來大家對自己的評價，既然源於自己，就決定派刀削麵給大家，他表示並不介意大家這樣說他，認為有價值才有人評論。問到會否叫朋友送麵給爸爸（削骨還父）？他笑言︰「好呀，好食再送畀大家！」

採訪︰Pauline

攝影︰林良明