愛美麗狂想曲│蕭正楠憶「邪不能勝正」拖累事業 曾盤問老婆黃翠如同洪永城關係

喜劇《愛美麗狂想曲》中，蕭正楠飾演娘娘腔的男生唐仁，從未拍過拖，甚至一度懷疑自己的性取向；直至遇上「麻甩」同事小勇（陳瀅飾），兩人日久生情，近日更錯有錯著火速結婚成為夫妻。兩人互動非常搞笑，不少觀眾都大讚兩人火花十足。蕭正楠昨日為劇集宣傳，接受鄭裕玲（Do姐）的電台節目《口水多過浪花》訪問，大談他的入行經過和感情生活。

愛美麗狂想曲｜黎振燁鬼混被蕭正楠鬧性變態 與朱智賢「偷食」一周年復工無期【下一頁】

{{hket:inline-image name="TONG4.jpg"}}{{/hket:inline-image}}

{{hket:inline-image name="TONG1.jpg"}}{{/hket:inline-image}}

{{hket:inline-image name="TONG5.jpg"}}{{/hket:inline-image}}

{{hket:inline-image name="TONG6.jpg"}}{{/hket:inline-image}}

{{hket:inline-image name="TONG7.jpg"}}{{/hket:inline-image}}

2002年以歌手身分入行的蕭正楠原來是獲得吳奇隆啟蒙，他說：「當時同朋友睇吳奇隆迷你演唱會，聽到佢唱歌好有感染力；當年好迷台灣歌手，成班粉絲都好齊心，我感受到佢喺台上應該好幸福。」他笑言當年經常「走堂」去唱卡拉OK，讀書期間亦參與不少歌唱比賽，他形容自己「唔太難聽，多數都入到決賽，但永遠拎唔到冠軍」，後來他獲伯樂李進賞識，簽約唱片公司正式出道。

蕭正楠稱初出道時獲公司「巨星」級的待遇，際遇不錯，又有經典的「雪雪雪」廣告，連Do姐都稱對此有深刻印象。Do姐問為何星途平順又會突然消沉？蕭正楠說：「當年好多競爭，亦係最多新人出道嘅一年，有EO2、Cookies等等，新人都企滿個台。至於點解要靜落嚟？我都想知囉。當時係有新聞嘅，有句五個字『邪不能勝正』說話出現過，媒體話我講，好似影射緊其他人，人哋就會覺得我點解講啲咁嘅嘢，慢慢開始有負評，覺得我太招積、目中無人。雖然而家解釋嚟都冇意思，不過我當時真係唔係講任何人。」當年報道指蕭正楠暗寸競爭對手麥浚龍，因當年一直流傳麥浚龍的富商爸爸麥紹棠僱用職業粉絲及動用千萬幫囝囝造勢，據指有關報導觸怒了麥紹棠，蕭正楠其後遭到封殺，更被調往內地發展。

（↓點擊放大睇圖片↓）

蕭正楠當年接拍《戀愛自由式》，他形容自己是花瓶，基本上是不會演戲；而且新人怕被罵，全程在陽光下曬住等指示，他說：「曬到完全唔連戲，黑麻麻，我當時成日打畀經理人，我話以後會畀心機唱歌，唔好再畀我拍戲喇！」沒想到後來主力在戲劇上發展，他在內地拍電視劇，後來獲何麗全邀請返無綫發展。「鍾意唱歌唔一定要做歌手嘅，加入TVB之後所有菱角都磨平晒，因為我想重新開始，始終之前未完成就走咗，我覺得係一個污點。」

至於加入無綫最大收穫，相信就是認識到太太黃翠如。蕭正楠稱兩人在拍攝《師奶Madam》時認識，培養到不少工作上的默契，大家思維接近，完劇後有種患得患失的感覺，就算翠如之後要飛到巴西工作，蕭正楠都不斷以短訊聯絡對方，慢慢開始發展感情。對於感情曝光，蕭正楠說：「新聞出咗之後都幾大件事，要出嚟澄清，佢（翠如）都好唔開心，因為係開心事，但被人寫到亂搞男女關係咁，要時間慢慢話畀人聽係咩一回事。」提到以往翠如和洪永城老友鬼鬼，一直被外界視為一對，連Do姐都承認有「盤問」過洪永城與翠如的關係。Do姐說：「我盤過洪永城，佢話開頭有少少，因為呢個女仔又靚又白，不過一合作起嚟就唔得，成個男人咁，呢啲感覺完全冇晒，所以你可以放心。」而蕭正楠坦言自己都有因此事問過太太翠如，他說：「佢話冇，兩個係幾乎討厭對方嘅關係，不過洪永城唔應該咁話佢，佢自己都唔係咩好東西。」他們拍拖4年結婚，問到生育問題，蕭正楠稱順其自然，兩人喜歡二人世界，又享受飛行，但暫時不太想以「夫妻檔」拍劇。

（↓點擊放大睇圖片↓）

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

 

責任編輯：楊安莉