晚吹-有酒今晚吹｜林作冇酒品飲到斷片最愛裸下身 酒量差經常醉後亂性揀SP有要求

ViuTV節目《晚吹-有酒今晚吹》由強尼、練美娟（娟姐）和黃詩詩主持，最新一集邀請林作做嘉賓。林作自爆以往飲醉後愛當街除衫、亂講嘢甚至與不同女性發生關係。

{{hket:inline-image name="jo3.png"}}{{/hket:inline-image}}

林作指自己在英國讀書時學飲酒，自認有酒癮，酒量不算好。他自爆在英國時，曾在下午3、4點飲酒，醉到不省人事，「喺英國人流最多嘅地鐵站，登上中間車廂，攬住鐵柱嘔。」指回來香港後酒癮更深，醉後行為更瘋狂，「一斷片就想除褲同除衫，喺街都會，最緊要係除條褲，好多朋友都見識過，好彩無俾人影到。」

{{hket:inline-image name="jo2.png"}}{{/hket:inline-image}}

他又自爆酒後必定「出事」，強尼問何謂「出事」？林作話：「通常都係同女性發生關係。」強尼追問他：「你指同人發生關係就等於『出事』？」林作答：「係呀！」強尼不放過林作，「咁咪咩對手都有？」林作表示：「咁我啲眼光向來唔錯嘅，但儘量都唔想咁樣，太多嘞！」之後娟姐爆他曾在飲醉後向女友裕美求婚，他說︰「有呀......我淨係記得拎住隻拖鞋向佢求婚，我話『你認住呢隻鞋』！」

（↓點擊圖片放大↓）

娟姐提起林作與歌手陳葦璇（原名陳嘉茵）的往事，林作解釋當時與麥秋成捧對方場，在酒吧喝酒時，見到女方在台上唱歌，於是上前說很傾慕她；林作直認當時飲醉後亂講嘢，「為咗表達對佢嘅支持，最好嘅奉承方法係讚佢靚，拜倒係佢石榴裙下。（娟姐：你講野無句真）不嬲都係。」

{{hket:inline-image name="jo11.png"}}{{/hket:inline-image}}

{{hket:inline-image name="jo14.png"}}{{/hket:inline-image}}

林作自知酒癮大，加上女友勒令之下，最後決定戒酒，更要靠睇戒酒書去戒。又指7年前購入現在的居所，全因落蘭桂坊只需90秒，一周蒲足四晚。他指現在已戒了去蒲的習慣，「蒲到後期都覺得自己唔係好得，27、8歲已經唔得，唔可以連續飲兩晚。我而家31歲，冇飲酒啦，因為要備戰拳賽……」

林作與鍾培生的拳賽在9月開打，問到前者與對方的恩怨時，他解釋當初只是以一個網民的身分去留言，怎料竟觸動鍾培生向自己下戰書挑機。跟鍾培生是否有些不為人知的積怨，林作說︰「我覺得佢係妒忌我！我唔記得我有冇見過佢啦，佢話我哋喺兩個場合都有見過。」又指自己計過條數，「係佢挑我機，我計落條數又真係冇蝕嘅，咪打囉！」同時坦言每日備戰都好辛苦，「每日練成三個鐘，我而家坐喺度都好疲倦！」

{{hket:inline-image name="jo16.png"}}{{/hket:inline-image}}

節目結尾，林作酒後懺悔，「我想懺悔嘅係，以前因為飲完酒同好多唔同嘅女士發生過感情，佢哋分別嚟自香港、香港、香港同埋香港，大部分都好似係讀law嘅，咁喺度講聲唔好意思，同埋同大家保證以後一定會改過自新，唔會再同你哋發生任何關係！」

（↓點擊圖片放大↓）

我真係恭喜你呀│林作未理媽媽強烈反對私定終身 疑與裕美凌晨豪宅簽字註冊結婚 【下一頁】