鄺潔楹被飛起捧第六代邦民女 票選四個青春少艾做新一任大使

做咗接近3年邦民大使嘅第五代「邦民女」鄺潔楹（Judy），以模特兒身分入行嘅佢因甜美外表而成為廣告界的新寵兒，做完「邦民女」之後，Judy可以話係「步步高陞」，除咗拍劇入屋之外，唔少綜藝節目都有佢份，成為新一代女神！而Judy近日正式「卸任」，到底新一代「邦民女」會由邊個出任呢？

{{hket:inline-image name="89334962_2854489074619051_7585104788119879680_n.jpg"}}{{/hket:inline-image}}

邦民日本財務公司由2004年開始定期挑選本地模特兒「新血」做代言人，一向揼本宣傳，去年玩新策略，以動漫女角做宣傳片，不過似乎冇乜嘢noise。日前，第六代邦民女現身，由四個青春少艾上陣！

原來第六代「邦民女」係邊個仍未塵埃落定，新一代邦民形象大使將會由選舉產生，搞咗個《邦民人氣選：女神練習生》嘅活動，四位候選女神練習生Angel、Carrie、Eunice同Kate喺未來呢幾個月施展渾身解數表現自己，綜合總成績而選出大使，計算形式為︰4月19日開始全民人氣投票（佔50%）、5月ViuTV播出四女任務挑戰賽（佔20%）及6月份的專業評審賽（佔30%） ，新一代邦民形象大使7月會於出爐；大家可以睇吓邊位表現最出色，再喺6月30日前投票畀自己心水女神！

（點擊放大睇圖片）

每一代「邦民女」都令人留下深刻印象。例如第二代羅凱珊 (Kama)、第三代陳嘉寶（Anjaylia）等，「邦民女」必紅幾乎係定律！

羅凱珊（Kama）

Kama承繼Crysta（l梁又仟）成為第二代「邦民女」。甜美笑容加水汪汪大眼睛，仲有鄰家女孩feel，非常入屋。其後Kama以模特兒身分於書展推出大尺度的性感寫真，成功擄獲一班少男粉絲的心；之後佢話認為娛樂圈品流複雜，覺得自己並不適合圈中發展，決定淡出幕前。

{{hket:inline-image name="D8cf8bf42fb3b38a7dd02a615ecc7a38.jpg"}}{{/hket:inline-image}}

陳嘉寶（Anjaylia）

Anjaylia當初嘅少女形象深入民心，偶爾客串葉念琛的愛情電影系列，予人「妹妹」嘅印象。其後Anjaylia改變造型，由留長留瀏海，轉為旁分、曲髮等較成熟的髮型，開始洗走少女味，又積極進修演技，電視劇《M Club》、《彊》自然、生動的演出獲網民激讚。生咗兩個B嘅Anjaylia事業、家庭都兼顧到，早前簽約加盟古天樂旗下公司Cool Style，為佢演藝工作揭開新一頁。

{{hket:inline-image name="43e4ca9f23befb69a5eae06ae6cd1b4f_img_1040_780.jpg"}}{{/hket:inline-image}}