《Think Big》︳高海寧出道當主持有鏡頭恐懼症 一次外訪世界盃之旅令她開竅

34歲的高海寧（高Ling）現身兒童節目《Think Big》接受小主持訪問，分享自己小時候在南京的生活及2008年參加香港小姐的點滴。自言未有經過演藝訓練，初初入行時面對鏡頭有恐懼感，估不到一次外訪世界盃的經歷，消除了她的恐懼。

{{hket:inline-image name="47.jpg"}}{{/hket:inline-image}}

高海寧回想當初入行，最驚一個人面對鏡頭，感到超緊張！（圖片 : 電視截圖）

高Ling稱初入行以主持綜藝及飲食節目為主，面對鏡頭總不其然感到恐懼，「一望住鏡頭就好驚！腦海一片空白，好緊張，記唔到嘢……」最後如何克服困難？2010年，她赴南非採訪世界盃，對她而言極具意義和難忘，「首先好多男士都好羡慕我可以親身喺現場，睇晒咁多場世界盃賽事，仲要我睇住自己鍾意嘅西班牙攞冠軍！嗰次旅程，好長時間我要一個人對住鏡頭，慢慢克服到緊張心情，再應付自如。」

{{hket:inline-image name="56.jpg"}}{{/hket:inline-image}}

高海寧自言演技大躍進，視后佘詩曼最大功勞。（圖片 : 高海寜IG）

子欲養而親不在︱高海寧再做業主進駐九肚山豪宅 遺憾未能見外公最後一面激動爆喊 【下一頁】

至於演技上的啟發，高Ling最感激是視后佘詩曼，兩人於2016年拍攝《賭城群英會》結片緣，成為好友。她說：「阿余對我影響好大，嗰時劇中同佢好多對手戲，佢畀咗好多意見我，最深印象一次係拍一場喊戲，我有好長好多對白，又要喊，我好緊張，交唔到戲；阿佘反應好快，即興加咗幾句對白，刺中我嘅內心，令我再爆喊！當時鏡頭近鏡影住我，喺我對面嘅阿佘一樣喊到成面眼淚，佢真係好專業，又願意幫一啲新演員入戲。」

（↓點擊圖片放大↓）

高Ling至今仍謹記阿佘的一番說話，「佢話唔好介意係咪主角，嗰場戲你就係主角，你演得好，會有人睇到。演戲亦唔係自己演，要同對手有交流先會有火花，要演得好；就要用真感情去做。」視阿佘為她演技啟蒙者，而已故籃球傳奇高比拜仁（Kobe Bryant）也是她的學習榜樣，「我睇咗佢嘅自傳，佢係一個極度自律嘅人，20年嚟對籃球嘅熱誠度係冇變過。每個人成功背後都冇僥倖，你以為佢係天才，其實佢付出好多！佢一個咁勁嘅人都咁努力，我憑乜嘢日日坐喺梳化到hea？所以，我都要做自律嘅人，唔可以輕易放棄。」

（↓點擊圖片放大↓）

撰文：衛紫敏

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

《東張西望》︳利穎怡採訪千里尋子遇持刀威嚇 利刀距離一個手掌位竟然唔識驚 【下一頁】