鄭俊弘郊外肚痛 何雁詩幫手挖地窿如廁

何雁詩日前接受《StarTalk》訪問，大談相隔四年再推出實體唱片的感受。提到歌曲《灰夠》屬於何雁詩的親身經歷，她說︰「估唔到錄呢首歌時，會產生好多唔開心嘅情緒，當時仲要啱啱結婚，搞到好唔開心，帶咗情緒返屋企，多謝老公（鄭俊弘）有耐性陪我，畀一個位我盡情爆喊抒發出嚟。」

她大讚鄭俊弘為愛改變不少，又踢爆說：「初初拍拖，叫佢買束花慶祝拍拖一周年，佢竟然買咗拜山嘅菊花！不過最近佢終於識得買黃玫瑰畀我，但後尾先知黃玫瑰係解『分手』！」何雁詩又指鄭俊弘有潔癖：「我哋去car camping好多恐懼，好似污糟問題，試過半夜佢個肚唔妥，要去廁所，我喺山頭挖個窿畀佢解決，由此證明我真係好鍾意佢！呢件事喺我人生中都幾浪漫。」