組合ERROR成員193(郭嘉駿)近日人氣急升,因為敢言作風而被封為「三哥」及「三爺」。其IG followers人數更不斷上升,人氣除了力撼其他ERROR成員之外,IG followers更已超越ViuTV另一人氣組合MIRROR成員、人氣王姜濤。截至今日(22日)中午12時,193的IG followers有20.5萬,而姜濤的IG followers則有20.3萬。
在本月12日,當時193的IG followers只有8萬,不過在他發表反擊TVB言論後,IG followers激增,每日約增多1萬人。而在昨天,193的IG followers已追平姜濤。直至今日中午12時,193的IG followers已超越姜濤。現在姜濤及193分別是MIRROR與ERROR當中擁有最多IG followers的成員,人氣超勁!
(↓點擊圖片放大睇 193連日IG粉絲人數變化↓)
193獲網民推舉為「三爺」,他日前出席ViuTV音樂頒獎禮時就笑言希望大家叫他「三哥」,更自薦做米線店代言人;而米線店FB表示正聯絡193經理人花姐(黃慧君),指「打緊畀花姐,三哥巧有Feel。」而花姐昨日出席《大叔的愛》活動時,透露正洽談193為米線店拍廣告事宜︰「真係多咗人留意佢(193),我已經同佢講咗唔可以囂,佢都話一定唔會囂,直言唔代表可以冇禮貌,佢都應承會改。」
193昨晚亦在社交網站留言多謝大家支持:「估唔到我一句竟然咁有影響力,我以後會慎言了。目前因為我嘅檔期問題,有關商業合作仍然洽商中,麻煩各位乖乖地,唔好再去留言洗版了,嚇親人就唔好啦。3仔已經收到晒大家嘅好意,我愛你哋!」
(↓點擊圖片放大睇↓)
193人氣急升一事要追溯到本月11號,無綫以綜藝節目《開心大綜藝》與ViuTV的《最後一屆口罩小姐選舉》作正面交鋒。無綫高層曾志偉受訪時指ViuTV收視得四點,題材偏門,只能與J2台比較;之後193受訪時反擊,直指兩台觀眾群不同,「收視得幾百部電視機,我哋唔會理。J2係做咩?係咪40幾歲仲做緊《#後生仔傾吓偈》?」當時言論獲不少網民讚好!
之後在本月18號,ERROR出席ViuTV《Chill Club推介榜年度推介20/21》再度受訪,193表示好開心多了人留意ViuTV:「多咗人睇番我哋節目,以前冇人睇有啲失望,而家多人睇番好開心,希望大家繼續支持ERROR。」有傳媒問到TVB組「千禧五虎」狙擊ERROR與MIRROR時,成員肥仔說︰「我哋得四個人咋喎!」而193則又衝口而出︰「而家仲用五虎呢啲字咁娘咩?」
193敢言反擊爆紅| 曾志偉生日避談風波與老友慶祝 無綫FB出漫畫自抽嘲高層身高 【下一頁】
U Lifestyle App自家節目登錄《U TV》專區!
↓↓試玩、試食、試用影片任您睇↓↓
【立即體驗】