由農夫、艾粒主持的TVB綜藝節目《大整蠱》，聯手玩爆圈中藝人！昨晚重點環節有黎諾懿整蠱其節目《今晚請客》的拍檔陳敏之，只見二人去素人屋企拍攝新節目，可是遇上屋主夫妻當場嘈交，男屋主一度用鐵鏈鎖門，並於門外放火燒雜物，再向屋內眾人潑液體！而被液體濺中的敏之表現淡淡定，仲識行去拎水淋熄門外火種……網民認為這一集太多破綻，又認為敏之過於冷靜，畀人淋竟然無大叫仲咁有儀態去滅火。
大整蠱│林穎彤走失鄭融愛犬自責爆喊 吳若希保鮮紙包頭鬼樣超驚嚇【下一頁】
這整蠱環節驚喜欠奉，可能跟敏之擁有高度危機感有關，她去到現場已追問工作人員「這裡是否藝人屋企」，明顯有所防範；但有趣的是，她竟然認不出「同事」，女屋主正是前新城DJ、現已轉投TVB的鄭芷彤（Rachel）！敏之如常入屋拍攝虛構的新節目《家居拯救隊》，然後是男屋主過激行為的「劇情」，見她被潑液體後沒擔心過那是甚麼東西，仲兩次拿水去撲火！其鏡頭前的淡定反應難免令網民認為驚喜欠奉。
昨晚節目播出後，網民在討論區上紛紛表示：「今晚整蠱陳敏G咁流嘅？」、「陳敏之都估到係整蠱」、「啲戲屎到……任何女人畀人潑液體，掂唔到都嗌到咿嘩鬼叫啦！放埋火仲坐得低咁冷靜？識唔識畀反應㗎？」、「男屋主（演得）最真，講埋癡孖根，驟耳聽以為真係發火！」、「出面有人放火，隨時一鑊熟，有冇可能咁冷靜？」；「敏之見慣大場面，完全唔驚」、「去到男戶主發嬲走出屋嗰陣一定知（整蠱）啦！有乜嘢理由咁多人（包括黎諾懿）都無人理男戶主？又鎖閘又放火……去到呢個位陳敏之一定知畀人整蠱」，總括而言，如網友表示，「今晚太多破綻，演技又差，失敗」！
大整蠱│Bob事隔8年再被整蠱超大陣仗 驚嚇十足最慘其實係馮盈盈同佢...【下一頁】
陳敏之今日在網上解釋：「大家噚晚有冇睇呀？我收到好多人留言畀我，話我好冷靜，處變不驚。其實嗰一刻，著火同埋開始有煙，我個心係有啲怯，因為真係驚焗親大家。而咁啱我部電話唔喺身，跟住係咁叫佢哋搵黎諾懿，因為正常（拍攝進度）佢唔會唔喺度，所以已經覺得好奇怪……最後梗係攞盤水淋熄啲火之餘，重點淋醒埋男屋主Kelvin啦！繼上次《玩嘢王》之後，今次我再被整蠱，哈哈哈哈，最緊要大家睇得開心啦！」
（↓點擊放大睇圖片↓）
- {{hket:inline-image name="Image07.jpeg"}}{{/hket:inline-image}}
- {{hket:inline-image name="04222001.jpg"}}{{/hket:inline-image}}
- {{hket:inline-image name="04222015.jpg"}}{{/hket:inline-image}}
- {{hket:inline-image name="04222018.jpg"}}{{/hket:inline-image}}
- {{hket:inline-image name="04222019.jpg"}}{{/hket:inline-image}}
- {{hket:inline-image name="04222020.jpg"}}{{/hket:inline-image}}
- {{hket:inline-image name="04222021.jpg"}}{{/hket:inline-image}}
整蠱效果未如理想，不過仍有笑點，艾粒的少爺占、當奴在電視城成功整蠱《愛回家》演員，由當奴扮成的「紙箱人」，藏在一堆紙箱之中，少爺占見到有人經過即作出提示，結果當奴嚇到湯盈盈、呂慧儀及沈可欣等花容失色！至於農夫就搵藝人玩「枕頭大戰」，橋段似有抄襲成份，因為年多前網上也有人玩過，而今次他們遇上陳展鵬時，對方竟然喪跑到巴士上躲避，又無厘頭拿出一個煎Pan（陳展鵬花名），即是用自己去反撃農夫，場面相當之搞笑！
撰文：梁榮達
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
ERROR成員｜193人氣急升IG粉絲逾20萬超姜濤 粉絲狂推做米線代言人：合作洽商中【下一頁】