「港普F4」上真人騷開燒烤店 蔡少芬自誇普通話最正宗

由四位「凍齡女神」蔡少芬（Ada）、朱茵、陳法蓉（Monica）及洪欣組成的女團「港普F4」，將會首次合體現身內地真人騷節目《請吃燒烤的姐姐》。四人相識逾20載，姊妹情深，Ada日前為節目出席活動時，表示她們一直都有個共同夢想，希望一起開店做生意。今次她們將實現夢想合夥開燒烤店，不過節目還未出街已「火」花四濺，Ada笑稱自己是「港普F4」中最年輕成員，被問到是否顏值最高？她搞笑謂︰「唔駛講，我從來都無話過我最靚，第一，四個之中我最年輕，高度嚟講，我係最高嗰個，樣靚身材正呢家嘢，真係好難講。」至於邊位普通話發音最「港普」？Ada再次發揮搞笑本色︰「佢哋三個都好港普，但我唔係，我啲普通話比較清楚，應該係最標準。（跟老公惡補？）唔需要，我老公話無得救，仲話我學好咗就無得笑。」