否認移情黃嘉雯 陳家樂向連詩雅派定心丸

陳家樂近日被傳背住女友連詩雅（Shiga），與前港姐冠軍黃嘉雯秘密撻着，二人更用同款情侶手機殼。陳家樂前晚出席首映禮時，連聲否認緋聞，更直認自己目前感情生活穩定，擺明向「正印」連詩雅派定心丸。

陳家樂前晚與陳瀅、張智霖、方力申等，出席抗疫電影《總是有愛在隔離》首映禮。陳家樂與前港姐黃嘉雯因拍新劇《把關者們》認識，更因使用同款電話殼而傳緋聞，前晚家樂連聲否認說︰「嗰個讀者好無聊，事發幾日前佢已經喺IG留言攻擊我，然後又向我啲粉絲埋手。我唔想中佢計，所以無理，唔想畀機會佢。（同連詩雅備案？）唔使！嗰個係假帳戶，太虛假，生安白造，得啖笑，最緊要大家明白，好無奈！個讀者要零分重作。」他又明言︰「我依家感情生活穩定，會努力工作。」提到他在網上出文澄清緋聞，獲Shiga派like，他只說︰「唔好講邊個俾like，朋友支持就得。」

陳瀅10日減10磅

同場的陳瀅表示去年底回加拿大探親，回港後便拍攝《總》片︰「因為次次返加拿大都會暴肥，相信拍呢部戲係我最肥嘅時候。」陳瀅下星期將拍攝古裝新劇，她自爆︰「我演女將軍，試咗造型啲衫十層厚，導演睇完覺得我好臃腫，要我十日內減十磅！依家一日減咗1.5磅。」她自言主要靠節制飲食減肥，幾乎只吃蔬菜。

採訪︰Pauline

攝影︰林良明

美術︰梁政敏