解構心機女│張頴康見老婆做瑜伽即催上房？ 當年靠「快攻」追麥雅緻約睇戲

張頴康日前擔任《解構心機女》嘉賓，跟主持人賴慰玲、馮盈盈、劉佩玥及戴祖儀討論女性一些機心問題。身為圈中「愛妻號」之一的張頴康，少不免將話題扯到老婆麥雅緻身上，自爆當日極速約會對方出外睇戲，唔想其他男士乘機介入；同時分享他的愛情保鮮方法，想唔到平日斯斯文文嘅佢，都有「鹹鹹哋」一面。

{{hket:inline-image name="04233005.jpg"}}{{/hket:inline-image}}

{{hket:inline-image name="cheungwinghong_11849030_493899380783931_1578181497_n.jpg"}}{{/hket:inline-image}}

解構心機女│何廣沛爆某人硬著細碼衫胳肋底損晒 賴慰玲整蠱張頴康收粗口回覆【下一頁】

眾人討論男女相處時如何營造距離感，目的是想令對方感到「囉囉攣」，張頴康好認真咁講：「其實要拉開距離，即係你對呢個男仔無咩興趣。當日我傳短訊畀老婆時，講緊係好多年前嗰陣，佢問我係咪嗰個張頴康？我即刻打蛇隨棍上，問咗佢好多嘢之後，我話有兩張飛，今晚不如睇唔睇戲……總之一定要約咗出嚟先﹗」

賴慰玲等人在旁起哄，讚他們「老夫老妻」，擺明取笑他沒甚麼情趣。張頴康再解釋自己是性格急進，所有事情要很快去處理，「因為畀女方再拖，拉長咗距離，我驚佢會溜走咗﹗」

相識14周年｜張頴康感謝失意時麥雅緻給鼓勵 曾擔心囡囡被人「搶走」而流淚？【下一頁】

張頴康分享兩公婆相處時的小秘密，令愛情保鮮，就是說話中帶挑逗，「鹹鹹哋」咁搞笑，他說：「我哋兩個都好坦白，乜嘢都講晒出嚟。我哋關係好微妙，咁多年仍然好愛對方。我開工時同大家講衰嘢，返到屋企都會同老婆講吓，有時見到老婆睇緊電視做瑜伽運動，咿咿呀呀喘晒氣，我會話『喂喂，快啲做完沖涼啦』，我會咁樣撩佢，因為佢咿咿呀呀咁做運動，我都好辛苦，會叫佢快啲沖完涼上去（入房）！」

（點擊放大睇圖片）

張頴康跟馮盈盈因合拍劇集《解決師》而熟絡，這一集見張頴康有位就窒馮盈盈，可見二人友情不錯。話說張頴康品評女性的機心小動作，一眾女主持輪流示範用口把玩飲管；到馮盈盈咬住飲管望住他時，張頴康真係「咬」住對方唔放，嘲笑她十足死魚一樣，眼睛沒靈魂，其他人聽到都起哄爆笑！

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】 

愛回家│蘇韻姿扮受傷 演員肉緊爆喊整蠱 周嘉洛真情流露被劉丹爆戀情？【下一頁】