日日媽媽聲｜林盛斌重提太太小產傷心回憶 Bob嫂患妊娠糖尿佗B要餐餐捱針

林盛斌（Bob）昨晚（24號）孖太太黃乙頤（Bob嫂）擔任《日日媽媽聲》嘉賓，接受主持人余安安、陳凱琳及羅敏莊訪問。作為4名子女爸爸的Bob，在鏡頭前慘被大逼供，還要他好好「感受」女性產後的經歷，體驗古法紮肚、泵奶及尿滲的問題；期間Bob重提昔日傷心的回憶，就是太太生細仔前曾小產，她因患有妊娠糖尿病，懷孕時要自己打胰島素針，真的是一位堅忍的偉大媽媽。

{{hket:inline-image name="04252010.jpg"}}{{/hket:inline-image}}

{{hket:inline-image name="04252004.jpg"}}{{/hket:inline-image}}

大整蠱│Bob事隔8年再被整蠱超大陣仗 驚嚇十足最慘其實係馮盈盈同佢...【下一頁】

Bob這晚一把口要面對眾人機關槍式追問，口才勁好的他也招架不來，一度請求大家先聽他說話，更希望現場男士可以幫口。當眾女主持追問他是否「好鹹濕」及「一心想追個仔」等問題時，他說：「首先邊估到一個男人咁強壯，揩一揩又有；第二，講真我同太太都鍾意小朋友，無計劃一定要生幾多個。第一個有少少意外，（Bob嫂聞言即追問原因），意外係無諗過咁快，當時都有結婚打算，但未係誘因，咁點樣呢？幾時結呢？我哋話不如試吓不設防啦！點知一不設防，揩一揩就有，好快我哋就結婚，生BB，有自己嘅小家庭。（有諗過想生幾多個BB？）自己由細到大都有個小小畫面，做完嘢返到屋企，見到個仔、個女同老婆，畀拖鞋我著，老婆就煮緊餸。（成功追到個仔是否很開心？）呢個問題好有誘導性，絕對無乜嘢（專登）追仔！」

Bob嫂也有撐老公，表明兩公婆沒有追仔的心態，大家有共識至少要2個小朋友，之後感覺有第3個都可以，很自然地再生；當有3個時又想要第4個，認為這樣家庭才算平衡。Bob重申仔女都鍾意，但之前卻有段傷心回憶，「我哋喺生第4個之前，即係第3個之後，中間試過流失咗一個……嗰次之後，我哋都話如果有機會，再嘗試，點知揩一揩又有！」

你又估我唔到│林盛斌戴假髮秒變崩壞版花師奶 播放兩周傷害幾多動漫迷嘅心？【下一頁】

Bob之後在「體驗館環節」，節目安排他感受孕婦產後會做的古法紮肚，專業人士為他按摩時，笑他似懷孕2個月，又有很多肚風，他則痛到大叫；Bob又試用孕婦尿片及雙腳夾波行路，好好感受太太當日產後的經歷。

（↓點擊圖片放大↓）

陳凱琳問Bob嫂產後努力keep fit的箇中原因，就是跟本身患有妊娠糖尿病有關，她大方直認，「係，我有家族歷史，自己父母都有糖尿病，但我未係即時有，第1（胎）是『責界』嘅妊娠糖尿，之後第2、3、4（胎）已經有妊娠糖尿，每一餐要打胰島素針。去到懷第4胎時，3個小朋友已識得幫我遞針遞藥。飲食或者生活方式可以幫助到自己keep fit，咁我就唔使用咁重嘅藥。」Bob最後向太太深情表示：「希望咁多位都錫自己太太，錫自己媽媽，媽媽，I Love You！」並送上一個愛的抱抱給Bob嫂。

撰文：梁榮達

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

解構心機女│張頴康見老婆做瑜伽即催上房？ 當年靠「快攻」追麥雅緻約睇戲【下一頁】