Master's Talk丨滕麗名敏感體質爆電視城女廁猛鬼 與張家輝不同空間遇相同靈異經歷

由邵氏兄弟製作的《Master's Talk師父有請》第12集邀請到滕麗名、白彪和康華接受訪問。滕麗名稱自己曾經對靈界非常敏感，又大談清水灣電視城以及自己北上工作的靈異事件。

{{hket:inline-image name="_DSC6056.JPG"}}{{/hket:inline-image}}

滕麗名形容自己對靈界事物由強烈天線變成現時已經關門的狀態，她憶起電視城錄影廠的驚嚇事件，她說：「拍《真情》年代，8至9廠附近個廁所好猛，話（靈體）好多年前邵氏年代已經喺度。當年成日都通宵拍攝，男女廁黐住喺隔籬，但女廁塊鏡永遠都係滴水，男廁塊鏡永遠都係乾。」她表示有次拍另一齣劇集，剛好遇著服裝間關上門，一向服裝間有好大個觀音像對住廁所，她不以為然照入洗手間洗手，沒想到看到鏡中還有另一人，但當時她身邊卻沒有人。「邵氏真係好猛，我每逢初一、十五就會見到有人拎住火盆去拜塊鏡。曾經喺凌晨2點開工準備埋尾，收音師話聽到有人吹口哨，咁就閂廠門啦，點知都係有聲，咁大家就話不如大聲少少盡快收廠啦，後來有人喺我耳邊吹（口哨），咁我都算啦唔想理；點知隔籬廠係張家輝開緊《騙中傳奇》，佢又喺度嗌救命，大叫：『有人喺我耳邊吹口哨呀！』呢單都幾爆，因為我哋兩個廠中間仲有化妝間，根本唔會通到聲。」

（↓點擊放大睇圖片↓）

滕麗名直言北上拍戲期間遇過大大小小的靈異事件，由於不能夠改變環境，惟有嘗試去跟靈體做朋友，她說：「喺北京拍劇半年，入房第一日已知有事，日日都唔畀我開鎖匙，直至我要講「Hello，我哋返嚟喇！」就開到門。我開燈佢就熄燈，夏天幫我閂冷氣，冬天幫我開冷氣，電視較大細聲。但佢冇乜傷害我，咪大家以禮相待。有日真係好嬲，凌晨3、4點已經好攰，快快脆勁大力敲門，點知原來敲錯門，我同助手即走！」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】